ភ្នំពេញ:ជនសង្ស័យម្នាក់បានបន្លំខ្លួនធ្វើជាម្ចាស់ផ្ទះលួចឡើងទៅលើផ្ទះគេពេលដែលម្ចាស់គេចេញទៅលេងនៅបរិវេនមុខផ្ទះ រួចលួចយកបានលេបថប់មួយគ្រឿង ប៉ុន្តែត្រូវម្ចាស់ផ្ទះដឹងខ្លួនទាន់ក៏នាំគ្នា ស្ទាក់ចាប់បាននៅក្នុងផ្ទះហើយនិងស្វាគមន៍ម្នាក់មួយដៃមួយជើងយ៉ាងទ្រមខ្លួនដើម្បីធ្វើជាភ្ញៀវកិត្តិយសរបស់ម្ចាស់ផ្ទះ។
ហេតុការណ៍នេះបានកើតឡើងកាលពីវរលាម៉ោង៨និង៤០នាទីយប់ថ្ងៃទី១១ ខែកញ្ញា ឆ្នាំ២០១៤ តាមបណ្តោយផ្លូវបេតុងរោងចក្រដីថ្មី ស្ថិតក្នុងភូមិរោងចក្រ សង្កាត់ភ្នំពេញថ្មី ខណ្ឌសែនសុខ។
ជនសង្ស័យនោះមានឈ្មោះថា ហួន វ័ន អាយុ ២៧ឆ្នាំ សព្វថ្ងៃស្នាក់នៅផ្ទះជួលម្តុំត្រឡោកបែក និង មានទីកន្លែងកំណើតនៅភូមិ ជៀស ស្រុកត្បូងឃុំ ខេត្តកំពង់ចាម។
ប្រភពពត៌មានពីប្រជាពលរដ្ឋដែលនៅកើតហេតុបានឱ្យដឹងថា នៅមុនពេលកើតហេតុគេបានឃើញ ម្ចាស់់់ផ្ទះបានដើរចេញមកលេងនៅបរិវេ នខាងក្រៅផ្ទះ ខណ:ពេលនោះក៏ស្រាប់តែមានជនសង្ស័យម្នាក់ បន្លំខ្លួនធ្វើជាម្ចាស់ផ្ទះរួចដើរចូលទៅបរិវេនខាងក្នុងផ្ទះហើយបានឡើងទៅលើផ្ទះលួចយកបានលេបថប់មួយគ្រឿង បន្ទាប់មកក៏ចុះមកខាងក្រោមផ្ទះវិញហើយរត់ចេញទៅក្រៅរបង ប៉ុន្តែសំណាងអាក្រក់ ត្រូវម្ចាស់ផ្ទះគេឃើញទាន់ក៏បានស្រែកថា (ចោរៗ) បង្កអោយមានការភ្ញាក់ផ្អើលដល់ប្រជាពលរដ្ឋ មកជួយឡោមព័ទ្ឋស្ទាក់ចាប់ជនសង្ស័យនោះ ព្រមទាំងផ្តល់កិត្តិយសអោយជនសង្ស័យម្នាក់ មួយដៃ មួយជើង យ៉ាងទ្រមខ្លួននៅនិងកន្លែង។
ក្រោយពីឡោមព័ទ្ឋស្ទាប់ចាប់និងវាយទ្រមខ្លួនរួចមក ម្ចាស់ផ្ទះបានហៅសមត្ថកិច្ច អោយមក ទទួលយកជនសង្ស័យនោះទៅកាន់ប៉ុស្តិ៍នគរបាលរដ្ឋបាលភ្នំពេញថ្មីដើម្បីកាត់ទោសតាមផ្លូវច្បាប់៕
