ថៃឡងត៍ ៖ ( ប្រែសម្រួលដោយ ប៊ុន រដ្ឋា ) តម្រួតថៃ ក្របួចឳពុកចិញ្ចឹម ចិត្តសាមាន ជ្រមុជកូនស្រី អាយុ៦ឆ្នាំចូលក្នុងអាងទឹក ស្លាប់យ៉ាង អាណោចអាធ័ម លទ្ធផលតម្រួតធ្វើកោសល់វិឆ្ឆ័យ បានបញ្ជាក់ថា ក្មេងស្រីអភ័ពត្រូវបាន ឳពុកចិញ្ចឹមធ្វើទារុណកម្មយ៉ាងធ្ងន់ធ្ងរ ទីបំផុតឳពុកតិរិឆ្ឆានបានឆ្លើយសារភាព បានធ្វើទារុណកម្ម ទៅលើកូនចិញ្ចឹម ដោយ សារខឹងក្មេងស្រីចចេស។
ហេតុការនេះបានកើតឡើង កាលពីថ្ងៃទី ១១ ខែ មិនា ឆ្នាំ ២០១៤ ស្ថិតនៅភូមិ អាវណយ ក្រុងប្រាជួបសេរី ខាន់ ខេត្តប្រាជួបសេរីខាន់ ជនសង្ស័យត្រូវជាឳពុកចិញ្ចឹមឈ្មោះ សត្ថាផន អាងវ៉ា អាយុ ២៦ឆ្នាំ ត្រូវបានសមត្ថកិច្ចចាប់ខ្លួន មកផ្តន្ទាទោសតាមច្បាប់ ។ ចំណែកក្មេងស្រីអភ័ព ឈ្មោះ សុផាផន សៈមិតិណាន់ អាយុ ៦ឆ្នាំ ត្រូវបានឳពុកចិញ្ចឹមចិត្តខ្មៅ សម្លាប់ក្នុងអាងទឹក ។