នៅខេត្តស្វាយរៀងកាលពីសង្គមចាស់ប្រកបរបរតែធ្វើស្រែបានបន្តិចបន្តួចនិងឡើងត្នោតធ្វើស្ករត្នោតគ្រាន់បានដោះស្រាយជីវភាពគ្រួសារ ក្រៅពីមុខរបរធ្វើស្រែមានតែចំណាកស្រុកទៅស៊ីឈ្នួលគេឬធ្វើការងារសំណង់នៅក្រៅខេត្តឬមួយប្រទេសជិតខាង។ប៉ុន្តែឥឡូវប្រជាពលរដ្ឋនៅខេត្តស្វាយរៀង
មានការងារធ្វើក្រៅពីមុខរបរកសិកម្មប្រមាណជាង៤០០០០នាក់ហើយបើគិតត្រឹមខែវិច្ឆិកាឆ្នាំ២០១៤នេះ។
លោក ហាស់ ប៊ុនធី ប្រធានមន្ទីរការងារនិងបណ្តុះបណ្ដាលវិជ្ជាជីវះខេត្តស្វាយរៀងបានឲ្យដឹងថា ទូទាំងខេត្តស្វាយរៀងយើងមានរោងចក្រសហគ្រាសនិងផ្នែកផលិតកម្មផ្សេងៗរួមមាន ផ្នែកវាយនភ័ណ្ឌកាត់ដេរសំលៀកបំពាក់និងដេរស្បែកជើងមាន៣០រោងចក្រផ្នែកផលិតកម្ម
ផ្សេងៗមាន២៥កន្លែងផ្នែកកាស៊ីណូ.សណ្ឋាគាមាន១៩កាស៊ីណូផ្នែកសន្តិសុខឯកជនមាន៥ក្រុមហ៊ុនផ្នែកធនាគារនិងមីក្រូហិរញ្ញវត្ថុ១១កន្លែងនិងផ្នែកសេវាកម្មផ្សេងៗ៤កន្លែងទៀតសរុបទាំងអស់៩៤រោងចក្រសហគ្រាសអាចផ្ដល់ការងារជូនកូនចៅប្រជាពលរដ្ឋមានការងារធ្វើសរុបចំនួន៤៣,០១៣នាក់ស្រីចំនួន២៩,៨៦៧នាក់នេះគិតត្រឹមខែវិច្ឆិកាឆ្នាំ២០១៤។
លោក ហាស់ ប៊ុនធីបានបន្តថា ដោយអនុវត្តតាមរាជរដ្ឋាភិបាលកម្ពុជាក្រោមការដឹកនាំដ៍ឈ្លាសវៃនិងប្រកបដោយគតិបណ្ឌិតដ៍ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបាននឹងកំពុងផ្ដោតការយកចិត្តទុកដាក់យ៉ាងខ្លាំងលើគ្រប់វិស័យជាពិសេសការអភិវឌ្ឍវិស័យការងារនិងបណ្ដុះបណ្ដាលវិជ្ជាជៅវះសំដៅធ្វើឲ្យប្រសើរនូវលក្ខខណ្ឌការងារបង្កើនឱកាសការងារបង្កើតបរិយាកាសការងារពង្រឹងភាពសុខដុមរមនានៃទំនាក់ទំនងវិជ្ជាជីវះនិងពង្រីកការបណ្ដុះបណ្ដាលបច្ចេកទេសនិងវិជ្ជាជីវះ
ឲ្យសមស្របតាមតម្រូវការទីផ្សារការងារ ដើម្បីចូលរួមចំណែកក្នុងការកាត់បន្ថយភាពក្រីក្រលើកស្ទួយជីវភាភប្រជាពលរដ្ឋនិងអភិវឌ្ឍសេដ្ឋកិច្ចប្រកបចីរភាពដូចរំលេចឡើងនៅក្នុងយុទ្ធសាស្ត្រចតុកោណដំណាក់កាលទី៣ ដើម្បីកំណើនការងារ សមធម៌និងប្រសិទ្ធភាពនៅកម្ពុជារបស់រាជរដ្ឋាភិបាលនិតិកាលទី៥នៃរដ្ឋសភាជាពិសេសនៅក្នុងចតុកោណទី៣ស្ដីពីការអភីវឌ្ឍវិស័យឯកជននិងការងារនិងចតុកោណទី៤ស្ដីពីការកសាងសមត្ថភាពនិងការអភិវឌ្ឍធនធានមនុស្ស ៕
