យោងតាមសារព័ត៌មានក្នុងប្រទេសអេស្ប៉ាញបានចុះផ្សាយថា ទីបំផុតខ្សែប្រយុទ្ធរបស់ក្លិបអធិរាជស Real Madrid គឺកីឡាករ Karim Benzema បានព្រមព្រៀងចុះកិច្ចសន្យាថ្មីជាមួយក្លិបហើយបញ្ចប់ក្តីស្រម៉ៃរបស់ Arsenal ដែលមានបំណងចង់បានរូបគេ ។
លោក Arsene Wenger បានធ្វើការទាក់ទង Benzema ជាយូរណាស់មកហើយ ហើយអ្នកដឹកនាំកាំភ្លើងធំ Arsenal រូបនេះតែងតែសរសើរពីទម្រង់លេងរបស់ Benzema មិនដាច់ពីមាត់ ។
ក្រៅពី Arsenal ក៏នៅមាន Juventus និង PSG ផងដែរដែលត្រូវបានគេមើលឃើញថា មានបំណងចង់បាន Benzema ប៉ុន្តែនៅពេលនេះអ្វីៗត្រូវបានបញ្ចប់ដោយ Benzema បានបន្តកិច្ចសន្យាថ្មីជាមួយ Real Madrid រហូតដល់ឆ្នាំ ២០១៨ ឯណោះ ។
គួរបញ្ជាក់ថា កីឡាករអន្តរជាតិបារាំងវ័យ ២៦ ឆ្នាំរូបនេះបានផ្លាស់ពី Lyon មក Real Madrid នៅឆ្នាំ ២០០៨ ហើយនៅរដូវកាលនេះរូបគេស៊ុតបញ្ចូលទីបាន ១៥ គ្រាប់សម្រាប់ការបង្ហាញខ្លួន ២៦ លើកក្នុងក្របខណ្ឌ La Liga ៕
