រាជធានីភ្នំពេញ៖ មានការភ្ងាក់ផ្អើលកាលពីវេលាម៉ោង7និង30នាទីព្រឹកថ្ងៃទី14 ខែមិនា ឆ្នាំ2014 ៅចំណុចក្នុងស្រះចិញ្ចឹមត្រីមួយកន្លែងស្ថិតក្នុងភូមិសំរោងត្បូង សង្កាត់សំរោង ខណ្ឌសែនសុខ រាជធានីភ្នំពេញ បន្ទាប់ពីប្រជាពលរដ្ធបានប្រទះឃើញសាកសពបុរសម្នាក់ត្រូវគេវៃសម្លាប់ក្បែរ
មាត់ស្រះចិញ្ចឹមត្រី។ សពជនរងគ្រោះដែលត្រូវបានឃាតករវៃសម្លាប់ចោលក្បែរស្រះចិញ្ចឹមត្រីនោះឈ្មោះ ផាង យាំុង បាវ ភេទប្រុស អាយុ50ឆ្នាំ (ជនជាតិវៀតណាម) មានមុខរបរជាកម្មករចិញ្ចឹមត្រី ស្នាក់នៅភូមិលូ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ត្រូវឃាត់ករវៃសម្លាប់ត្រង់ថ្ងាស់បណ្ដាលអោយស្លាប់នៅក្បែរស្រះចិញ្ចឹមត្រី។ បើតាមលោកឈួន ឡុក ភេទប្រុស អាយុ50ឆ្នាំជាម្ចាស់ស្រះចិញ្ចឹមត្រីបានអោយដឹងថា៖ សពជនរងគ្រោះត្រូវបានគាត់ជួលអោយមកជួសជុលអួ៊នរបស់គាត់ទើបនិងបាន2ថ្ងៃប៉ុណ្ណោះដោយក្នុងមួយថ្ងៃគាត់អោយកំរៃ4មឺុនរៀល។ លោកបានបន្តទៀតថា មុនពេលកើតហេតុកាលពីល្ងាចថ្ងៃទី13 ខែមិនា ឆ្នាំ2014 ជនរងគ្រោះមិនបានត្រឡប់ទៅផ្ទះវិញទេដោយប្រាប់ថាគ្មានម៉ូតូឌុបជីះហើយជនរងគ្រោះក៍បានស្នាក់នៅជាមួយនិងកម្មកររបស់គាត់ម្នាក់ទៀតឈ្មោះ ចាំង យាំុង វ៉េ ភេទប្រុស អាយុ40ឆ្នាំ(ជនជាតិវៀតណាម)ជាកម្មករដែលគាត់ទើបតែជួលមកជួសជុលអួននោះដែរ។ បើតាមសាក្សីនៅកន្លែងកើតហេតុបាអោយដឹងថា៖ សពជនរងគ្រោះប្រហែលជាត្រូវបានជនសង្ស័យធ្វើការវៃសម្លាប់ក្នុងកំឡុងប្រហែលជាម៉ោង23និង30នាទីយប់ថ្ងៃទី13 ខែមិនាឆ្នាំ2014មូលហេតុដោយសារគេឭសំលេងជនរងគ្រោះបានឈ្លោះប្រកែកគ្នាដោយនិយាយភាសាវៀតណាមជាមួយនិងកម្មករឈ្មោះ ចាំង យាំុង វ៉េ មួយសន្ទុះក្រោយមកស្រាប់តែស្ងាត់ឮសំលេងឈ្លោះគ្នាលុះព្រឹកឡើងស្រាប់តែប្តទះឃើញបុរសដែលជាជនរងគ្រោះដេកស្លាប់នៅក្បែរស្រះចិញ្ចឹមត្រីធ្វើអោយមានការភ្ងាក់ផ្អើលតែម្ដង។ បើតាមប្រភពព័តមានបានអោដឹងថា៖កាលពីប្រលប់ថ្ងៃទី13 ខែមិនា ឆ្នាំ2014គេបានឃើញជនរងគ្រោះនិងជនសង្ស័យឈ្មោះ ចាំង យាំុង វ៉េ បានទិញស្រាយមកមផឹកនៅលើខ្ទមក្បែរស្រះចិញ្ចឹមត្រីលុះដល់យប់បន្តិចក៍ឮមាត់ឈ្លួសគ្នា។ ជនសង្ស័យឈ្មោះ ចាំង យាំុង វ៉េ បានរត់គេចខ្លួនបន្ទាប់ពីបានវៃសម្លាប់ជនរងគ្រោះរួចមក។ សពជនរងគ្រោះត្រូវបានសមត្តកិច្ចប្រគល់អោយសាច់ញាតិយកទៅធ្វើបុណ្យតាមប្រពៃណីបន្ទាប់ពីសមត្តកិច្ចបានធ្វើកោសល្យវិច្ច័យលើសាកសពជនរងគ្រោះរួចរាល់ហើយ។ សពជនរងគ្រោះត្រូវបានសមត្តកិច្ចសន្និដ្ធានថា ជាករណីវៃសម្លាប់ពិតប្រាកដមែន។សមត្តកិច្ចកំពុងតែស្រាវជ្រាវរកអត្តសញ្ញាណជនសង្ស័យឈ្មោះ ចាំង យាំុង វ៉េ ដើម្បីយកមកដាក់ទោសតាមផ្លូវច្បាប់៕