( ពត៌មាន រូបភាព វីដេអូ ) កំពង់ធំ ៖ ហេតុការដែលបង្ករឲ្យមានភាព ភ្ញាក់ផ្អើលមួយបណ្តាលមកពី ស្ត្រីវ័យ៣៤ឆ្នាំ បានទៅសម្រាលកូន នៅពេទ្យឆ្មបឯកជន ស្តិនៅភូមិស្ទឹងសែន សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ បន្ទាប់ពីសម្រាលកូនបានកូនប្រុស១ ត្រឹមតែជាង២ម៉ោង ក៏បានស្ទះដណ្ហើមបណ្តាលឲ្យស្លាប់ភ្លាម ខណៈពេលដែល បានបញ្ជូនដល់ខ្លោងទ្វារមន្ទីរពេទ្យខេត្តកំពង់ធំ កាលពីវេលាម៉ោង ១២.២០នាទី ថ្ងៃទី ១៧ ខែ មិនា ឆ្នាំ ២០១៤។
បងស្រីសួន ស្រីពៅ ត្រូវជា បងស្រីបង្កើត និងលោក រុន គួង ជាស្វាមី របស់ជនរងគ្រោះ បានឲ្យដឹងថា គាត់ រស់នៅ ភូមិ ស្នែងក្របី សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ប្អូនស្រី របស់គាត់ ឈ្មោះ សេង ស្រីមុំ អាយុ ៣៤ឆ្នាំ មានកូន ៥នាក់ស្រី ៣ ប្រុស២ទាំងទារកនេះ មុនពេលដែលបាន ជួបនឹងគ្រោះថ្នាក់ ដល់ បាត់បង់ជីវិតនេះ គឺដើមឡើយប្អូន របស់គាត់
មិនដែលមាន ជំងឺប្រចាំកាយនោះទេ លុះដល់ថ្ងៃសម្រាលកូន គាត់បាននាំប្អូនគាត់ទៅពេទ្យឆ្មបខាងលើ បានសម្រាលកូននៅវេលាចន្លោះម៉ោង ប្រមាណ៧ ព្រឹក សម្រាលកូនបាន២ម៉ោង គ្រូពេទ្យដែលទទួលខុសត្រូវបាន ទុកឲ្យអ្នកជំងឺនៅជាមួយសាច់ញាតិ ដោយសារតែឃើញ អាការៈមិនគួរឲ្យមានការ ព្រួយបារម្ភណ៍ ក្រោយពី តាមដានសុខភាបានល្អិតល្អន់មក ហើយ
អ្នកគ្រូពេទ្យក៏បាន ចេញទៅទិញម្ហូប លុះក្រោយមក អាការៈអ្នកជំងឺ ថប់ដង្ហើម ទើបហៅគ្រូពេទ្យ មកបញ្ជូនជនរងគ្រោះ ទៅមន្ទីរពេទ្យ តាមមធ្យោបាយ រឺម៉កទុកទុក លុះមកដល់ ខ្លោងទ្វារមន្ទីរពេទ្យ ប្អូនស្រីគាត់បានសម្លប់បាត់ស្មារតី ។ ចំណែក បូ ជុំ ប្រធានមន្ទីរពេទ្យ បានឲ្យដឹងថា នៅពេលដែលពេទ្យ ឆ្មប បានបញ្ជូនមកដល់មន្ទីរពេទ្យ គឺអាការៈរបស់អ្នកជំងឺ ធ្ងន់ធ្ងរ
ទោះជាគ្រូពេទ្យ នាំគ្នាជួយយ៉ាងសម្រាក់សម្រាំ ក៏មិនអាចជួយជីវិតជនរង គ្រោះបានដែរ ដោយសារតែ បេះដូងជនរងគ្រោះ មិនអាចធ្វើចលនាបាន គឺអ្វីៗគាំងអស់ទៅហើយ ចំណែក ពត៌មានដ៏ទៃទៀត លោកមិនអាចជំរាបបានទេ គឺលោកមានសិទ្ធិត្រឹមតែ ក្នុងមន្ទីរពេទ្យប៉ុណ្ណោះ ។
លោកស្រី នូ វិចិត្រា ជាពេទ្យឆ្មប ទទួលខុសត្រូវ នឹងបណ្តាលឲ្យមានការបាត់ បង់ជីវិត បានឲ្យដឹងថា អ្នកជំងឺ មានសុខភាពល្អ ពុំមានរកអ្វីនោះទេ ទើបបានហ៊ាន បណ្តោយទុកឲ្យសាច់ញ្ញាតឆ្លៀតឳកាស ទិញម្ហូបតែគាត់បានខំប្រឹងប្រែង អស់លទ្ធភាពហើយ នៅតែពុំអាចជួយសង្គ្រោះអាយុជីវិតជនរងគ្រោះបាន។ លោក ស្រី ស៊ីន ប្រធានសុខាភិបាល ខេត្តកំពង់ធំ បានឲ្យដឹងថា លោក ទើបតែបានទទួលពត៌មាននៅពេល នេះទេ លោក នឹងចាត់ឲ្យមន្ត្រីពីនាក់ចុះមក កន្លែងកើតហេតុ ដើម្បីសួរនាំ ករណីដែលបណ្តាល ឲ្យជនរងគ្រោះស្លាប់បាត់បង់ ជីវិត ដើម្បីរកស្រាវជ្រាវ រកមូលហេតុ ។
មតិរិះគន់ពីមហាជនថា ករណីដែលបណ្តាលឲ្យជនរងគ្រោះស្លាប់នេះ ក៏ដោយសារតែ ពេទ្យឆ្មប ឯកជន មានការធ្វែសប្រហែស ព្រមទាំងពុំមាន ឧបកណ៍គ្រប់គ្រាន់ ខ្វះបច្ចេកទេស ខ្វះជំនាញ ក្នុងការជួយសង្គ្រោះ ជាពិសេស ពុំមានបុគ្គលិកជំនាញ ក្នុងការថែរក្សា តាមដានអាការៈអ្នកជំងឺ បណ្តាលឲ្យអ្នកជំងឺ ធ្លាក់ក្នុងសភាពធ្ងន់ធ្ងរ ថែមទាំងពុំបាន បញ្ជូនអ្នកជំងឺ
ទៅមន្ទីរពេទ្យ ឲ្យបានទាន់ពេលវេលា រងចាំអោយក្លាយជាសព ទើបភ្ញាក់រលឹកនាំអ្នកជំងឺទៅ មន្ទីរពេទ្យ ក្នុងនោះដែរ ក៏សូមសណូមពរ ដល់បងប្អូនប្រជាពលរដ្ឋ នាំគ្នាទៅ រក្សា ព្យាបាល និងសម្រាលកូន នៅមន្ទីរពេទ្យ ដើម្បីទទួលបានសុវត្តិភាព មានសម្ភារៈគ្រប់គ្រាន់ ក្នុងការជួយសង្គ្រោះ កុំប្រថុយប្រថាន នឹងពេទ្យ ខ្វះបទពិសោធន៍ និងជំនាញ បណ្តាលឲ្យស្លាប់ ដោយអាសារបង់។
