ក្រុមអ្នករុករកកំពុងតែព្យាយាមបន្ថែមទៀត ក្នុងការស្វែងរកយន្តហោះដែលបាត់ ខ្លួន រួមជាមួយនឹងអ្នកដំណើរប្រមាណជាង១៥០នាក់ផ្សេងទៀត ដែលត្រូវបាន គេជឿជាក់ថា កំពុងជាប់ខ្លួនក្នុងតួយន្តហោះរបស់ក្រុមហ៊ុន AirAsia ដែលបាន ធ្លាក់ទៅក្នុងផ្ទៃសមុទ្រកោះឈ្វា របស់ប្រទេសឥណ្ឌូនេស៊ីកាលពីថ្ងៃអាទិត្យ សប្តាហ៍មុន ។
បេសកម្មរុករកជើងហោះហើរ QZ8501 នៅសមុទ្រឈ្វានោះ មានសភាពកាន់តែ លំបាកដោយសារតែអាកាសធាតុមិនអំណោយផល ហើយរហូតមកដល់ថ្ងៃសុក្រ នេះ សពអ្នកដំណើរ និង អ្នកបម្រើការងារលើយន្តហោះ សរុបតែ៩នាក់ប៉ុណ្ណោះ ដែលត្រូវបានរកឃើញ ដោយក្នុងនោះមានម្នាក់ត្រូវបានគេកំណត់អត្តសញ្ញាណ ដឹងថា ជាស្ត្រីបម្រើការងារនៅលើយន្តហោះផ្ទាល់តែម្តង ។
គួរបញ្ជាក់ថា អ្វីដែលក្រុមអ្នករុករករបស់ឥណ្ឌូនេស៊ី និង បណ្តាប្រទេសក្នុងតំបន់ បានដឹងច្បាស់នោះ គឺយន្តហោះ Air Asia QZ8501 ខាងលើនេះ បានបាត់ទំនាក់ ទំនងជាមួយនឹងប្រព័ន្ធរ៉ាដាកាលពីថ្ងៃ អាទិត្យ ពេលធ្វើដំណើរបានចម្ងាយ ១០០ ទៅ ២០០ គីឡូម៉ែត្រពីឆ្នេរសមុទ្រកោះឈ្វា ដោយគេសង្ស័យថា វាអាចនឹងទទួល រងការវាយប្រហារដោយអំណាចខ្យល់ព្យុះ ។ ដោយឡែកនៅក្នុងថ្ងៃ សុក្រ នេះ ប្រតិបត្តិការរុករកកំពុងតែបន្ត ដើម្បីស្វែងរកមនុស្ស ១៥៣ នាក់ផ្សេងទៀត និង តួ យន្តហោះទាំងមូល ព្រមទាំងប្រអប់ខ្មៅដែលប្រាប់ពីទិន្នន័យទាំងស្រុងនៃការ ហោះហើរ៕
