ឧត្តមានជ័យ៖ ប្រធានមន្ទីរធម្មការ និងសាសនាខេត្តឧត្តមានជ័យលោកឆឹម តឿ បច្ចុប្បន្នកំពុងរងនូវការរិៈគន់ថាបានប្រព្រឹត្តអំពើពុករលួយធ្ងន់ធ្ង តាមរយៈការស៊ីដាច់ប្រាក់ខែទាំងស្រុងរបស់គ្រូពុទ្ធិកសិក្សានាឆ្នាំ២០១២ និងស៊ីដាច់ស្ទើទាំងស្រុងនូវប្រាក់ខែគ្រូពុទ្ធិកសិក្សាសំរាប់ឆ្នាំ២០១៣ចំនួន១៥អង្គ/នាក់ បន្ថែមលើសពីនោះទៀត ប្រធានមន្ទីររូបនេះបានប្រើពាក្យសម្តីពុំគប្បីមកលើព្រះសង្ឃ ភាពច្រងែងច្រងាងដោយមិនសាកសំកាន់ដំណែងជាប្រធានមន្ទីរ។ ព្រះតេជគុណភៀក ប៊ុនធៀន ជាគ្រូពុទ្ធិកសិក្សាឆ្នាំ២០១៣ និងជាព្រះចៅអធិការវត្តដំណាក់គីរីសាគគូក្នុងឃុំគោកមន ស្រុកបន្ទាយអម្ពិល ខេត្តឧត្តមានជ័យបានមានសងដិការថាសំរាប់ឆ្នាំ២០១៣ព្រះអង្គបានធ្វើជាគ្រូពុទ្ធិកសិក្សាបង្រៀនដល់ភិក្ខុ សាមណេនៅក្នុងវត្ត
ប៉ុន្តែក្រោយពីការបញ្ចប់ការបង្រៀននាចុងឆ្នាំ២០១៣កន្លងមកនេះ មន្ទីរធម្មការខេត្តឧត្តមានជ័យដែលមានលោកឆឹម តឿ ជាប្រធានបានបើកប្រាក់ខែប្រគេនព្រះអង្គបានត្រឹមតែ៧០ម៉ឺនរៀលនៅខ្វះ៧០ម៉ឺនរៀលទៀតដោយគេអះអាងថាសូមជំពាក់សិន ហើយគ្រូមួយចំនួនទៀតប្រាក់ខែរបស់គាតត្រូវគេស៊ីដាច់ទាំងស្រុង។ព្រះអង្គបានបន្តថាសំរាប់គ្រូពុទ្ធិកសិក្សាឆ្នាំ២០១២នៅទូទាំងខេត្តឧត្តមានជ័យគឺប្រាក់ខែរបស់គ្រូទាំងអស់គឺត្រូវបានមន្ទីរធម្មការ
និងសាសនាស៊ីដាច់ទាំងស្រុងគ្មានគ្រូណាម្នាក់ទទួលបានប្រាក់មួយសេនទេ។ចំណែកឆ្នាំ២០១៣ខណៈពេលរាជរដ្ឋាភិបាលរឹតបន្តឹងពីការកាត់ឬស៊ីដាច់ប្រាក់ខែនោះ មន្ទីរធម្មការបានបើកប្រគេននិងជូនគ្រូខ្លះបានត្រឹម៧០ម៉ឺនរៀល ឯគ្រូមួយចំនួនទៀតត្រូប្រធានមន្ទីរស៊ីដាច់ទាំងស្រុងដូចមុនដដែល។
ក្រៅពីអំពើពុករលួយលោកប្រធានមន្ទីរធម្មការឆឹម តឿ បញ្ចេញភាពច្រងែងច្រងាងនិងប្រើសម្តីអសុរោះមកលើព្រះសង្ឃហាក់ប្បីព្រះសង្ឃនៅក្នុងខេត្តជាខ្ញុំកញ្ចះរបស់គាត ចំពោះសំរាប់ព្រះមិនប្រកាន់ខឹងនោះទេ ព្រោះព្រះអង្គយល់ថាគាត់ជាមនុស្សមិនធ្លាប់បួសរៀន ប៉ុន្តែថ្នាក់ដឹកនាំក្រសួងធម្មការនិងសាសនាមិនគួតែងតាំងមនុស្សបែបនេះធ្វើជាប្រធានមន្ទីរនោះឡើយ។សកម្មភាពរបស់លោកឆឹម តឿ មិនមែនជាអ្នកលើកស្ទួយព្រះពុទ្ធសាសនាផ្ទុយទៅវិញគាតជាអ្នកជាន់ជ្លីព្រះពុទ្ធសាសនា។ ហើយករណីលោកប្រធានមន្ទីរឆឹម តឿ គួតែក្រសួងធម្មការនិងអង្គភាពប្រឆាំងអំពើពុករលួយមានវិធានការ។
ចំណែកលោកប្រធានមន្ទីរធម្មការឆឹម តឿ បាននិយាយថារូបគាត់បើកប្រាក់ខែជូនគ្រូអស់ហើយនៅសល់តែគ្រូមួយចំនួនដែលមិនបានបង្រៀនទើបគេមិនមកបើក រួចលោកក៍បិតទូរស័ព្ទទាំងកំហឹង។សម្តីរបស់លោកឆឹម តឿ អះអាងនោះគ្រាន់តែជាការដោះសារ បើសិនគ្រូទាំងនោះមិនបង្រៀនហេតុអ្វី? បានជាគាតធ្វើរបាយការសុំដកសាច់ប្រាក់មកធ្វើអ្វី? ព្រោះថាមុននិងដកប្រាក់ខែបានគឺមន្ទីរបានធ្វើរបាយការណ៍បញ្ជាក់យ៉ាងត្រឹមត្រូវទើបអាចដកប្រាក់ពីធនាគារបានតាមរយៈជំនាញពាក់ព័ន្ធយ៉ាងច្រើនជាអ្នកត្រួតពិនិត្យឬមួយគាតបង្កើតឈ្មោះគ្រូខ្មោចដើម្បីស៊ីលុយរដ្ឋ៕
សូមរំលឹកថាសំរាប់មន្ទីរធម្មការនិងសាសនាក្រៅពីខេត្តឧត្តមានជ័យគឺមានខេត្តជាច្រើនមានបញ្ហាអំពើពុករលួយយ៉ាងធ្ងន់ធ្ងពាក់ព័ន្ធអំពីការកាត់ប្រាក់ខែគ្រូពុទ្ធិកសិក្សាឆ្នាំ២០១៣ដូចខាងក្រោម៖ខេត្តព្រៃវែងបានកាត់ប្រាក់ខែពីគ្រូពុទ្ធិកសិក្សាចំនួន៦០អង្គ/នាក់ក្នុងមួយអង្គ/នាក់២៨ម៉ឺនរៀល៕ ខេត្តបន្ទាយមានជ័យមានគ្រូខ្លះបើកប្រាក់គ្រប់ចំនួនចំពោះអ្នកធ្លាប់ប្តឹងតវា គ្រូខ្លះមិនត្រូវបានគេបើកប្រាក់ឲ្យទេ ដូចគ្រូឈ្មោះភន់ ភឿន នៅក្រុងសិរីសោភ័ណ គ្រូឈ្មោះសារិទ្ធ គន្ធា នៅស្រុកព្រះនេតព្រះជាដើម៕
ខេត្តបាត់ដំបងគ្រូពុទ្ធិកសិក្សាចំនួន១២៨អង្គ/នាក់គឺត្រូវបានមន្ទីរធម្មការកាត់ក្នុង១ខែចំនួន១ម៉ឺនរៀល១០ខែ១០ម៉ឺនរៀលសំរាប់គ្រូម្នាក់ៗក្រៅពីនោះគេសុំក្រៅមួយចំនួនទៀត ជាមួយគ្នានោះមន្ទីរធម្មការខេត្តមួយនេះមានឈ្មោះគ្រូខ្មោចច្រើនបន្ថែមលើសពីនោះប្រធានមន្ទីរលោកសួន ប៊ុនធឿនគាត់មានឈ្មោះត្រូវចូលនិវត្តន៍រយៈពេលប្រមាណ២ឆ្នាំមកហើយ ប៉ុន្តែមកដល់ពេលនេះរូបគាតនៅធ្វើជាប្រធានមន្ទីរដោយគ្មានប្រាក់ខែរស់ដោយសារប្រាក់ពុករលួយ ។
ក្រសួងធម្មការគួតែងតាំងអនុប្រធានក្តាប់រួមឬប្រធានស្តីទីសំរាប់មន្ទីរធម្មការខេត្តបាត់ដំបងជាបន្ទាន់ដើម្បីកុំឲ្យជាគំរូអាក្រក់តទៅទៀត។ខេត្តកំពង់ស្ពឺគ្រូពុទ្ធិកសិក្សា១អង្គ/នាក់ត្រូវមន្ទីរធម្មការកាត់៨ម៉ឺនរៀលពេលបើប្រាក់លើកទី១។ខេត្តស្វាយរៀងគ្រូពុទ្ធិកសិក្សាម្នាក់ៗទទួលបានប្រាក់១៤០ម៉ឺនរៀលគ្រប់ចំនួនមិនហ៊ានកាត់ទេ
ដោយសាអ្នកសារព័ត៌មានតាមប្រកិតក្រោយពីដកប្រាក់ចេញពីធនាគារភ្លាមនិងដោយមានបំរាមរបស់អភិបាលខេត្ត ធ្វើឲ្យគ្រូម្នាក់ៗសប្បាយចិត្តព្រោះឆ្នាំ២០១២មន្ទីរធម្មការខេត្តស្វាយរៀងបានលេបត្របាក់ប្រាក់ខែគ្រូពុទ្ធិកសិក្សាក្នុងមួយអង្គ/នាក់យ៉ាងតិច២៨ម៉ឺនរៀលគ្រូខ្លះសល់មិនបាន៥០ម៉ឺនរៀលផង៕
