កូនប្រុស​ទំនើង​របស់​ឧ​ត្ត​ម​សេនីយ៍ ចាន់ វាសនា បើកឡាន​បុក​ម៉ូតូ​និស្សិត​ពេទ្យ​

0

​ខេត្តកណ្តាល ៖ បុរស​ម្នាក់​ឈ្មោះ ចាន់ កក្កដា អាយុ ៣៦​ឆ្នាំ មាន​ទីលំនៅ​ក្នុង​រាជធានី​ភ្នំពេញ ដែល​គេ​ស្គាល់​ថា ជា​កូនប្រុស​លោក ចាន់ វាសនា មាន​តួនាទី​ជា អនុប្រធាន​អង្គភាព អន្តរាគមន៍ នៃ​ក្រសួងមហាផ្ទៃ បាន​ក្របួច​.​ក អាវ​សមត្ថកិច្ច​នគរបាល​ប៉ុស្តិ៍ រដ្ឋបាល​ទឹក​វិល និង​ប្រើ​ពាក្យសំដី​មិន​សមរម្យ ខណៈដែល​សមត្ថកិច្ច ធ្វើ​ការឃាត់​រថយន្ត ក្នុងករណី​បង្ក គ្រោះថ្នាក់​ចរាចរណ៍ ហើយ​បាន​ព្យាយាម បើករថយន្ត​គេចខ្លួន កាលពី​វេលា​ម៉ោង​៥ ល្ងាច ថ្ងៃទី​៨ ខែកុម្ភៈ នៅលើ​ផ្លូវជាតិ​លេខ​២១B ចំណុច​មុខ​វត្ត​កណ្តាល ស្ថិតក្នុង​ឃុំ​ទឹក​វិល ស្រុក​ស្អាង ។​

​ឈ្មោះ ចាន់ កក្កដា បាន​បើករថយន្ត​មួយគ្រឿង ម៉ាក​ហាយ​ឡិន​ឌ័​រ ពាក់​ស្លាក​លេខ ភ្នំពេញ ២Y-៥៥៤៥ បុក​ម៉ូតូ​ម៉ាក​គុប របស់​និស្សិត​ស្រី ២​នាក់ បណ្តាលឱ្យ​ដួល រងរបួស​ស្រាល ហើយ​ឈ្មោះ ចាន់ កក្កដា បាន​ព្យាយាម​បើក​គេច ពេល​នគរបាល​ឃាត់​ឱ្យ​ឈប់ បែរជា​ជេរប្រមាថ និង​ក្របួច​ក​.​អាវ នគរបាល​ទៀតផង ដោយ​អាង​ខ្លួន ជា​កូន​ឧ​ត្ត​ម​សេនីយ៍ ក្រោយពេល​ឃាត់ខ្លួន​ជនបង្ក មិនបាន​ប៉ុន្មាន​ផង ស្រាប់តែ​លេចមុខ លោក ចាន់ វាសនា មក​អន្តរាគមន៍ សុំទោស​សមត្ថកិច្ច និង​សុំ​ធ្វើការ​សម្របសម្រួល ជាមួយ​ជនរងគ្រោះ សង​ថ្លៃ​ខូចខាត និង​ព្យាបាល​របួស ចំនួន ២០០​ដុល្លារ ដើម្បី​បញ្ចប់រឿង ។​

​មុនពេល​កើតហេតុ រថយន្ត​បង្ក​ម៉ាក ហាយ​ឡែ​ន​ឌ័​រ ពណ៌​ទឹកប្រាក់ បាន​បើកបរ​ក្នុងទិសដៅ ពី​ត្បូង​ទៅ​ជើង ហើយក៍​បាន​បុក​ជាមួយ ម៉ូតូ​មួយគ្រឿង ម៉ាក​ហុងដា គុប​ជ្រុង សេ​៩០ ពណ៌​ទឹកប្រាក់ បើកបរ​ដោយ​ឈ្មោះ ឈួន ឈូករ័ត្ន ភេទ​ស្រី អាយុ ២១​ឆ្នាំ បច្ចុប្បន្ន​ស្នាក់នៅ រាជធានី​ភ្នំពេញ ជា​និស្សិត​ពេទ្យ និង​អ្នករួមដំណើរ​ជាមួយ ឈ្មោះ ចាន់ សុ​ភ័​ក្រ ភេទ​ស្រី អាយុ ២០​ឆ្នាំ មាន​ស្រុកកំណើត នៅ​ខេត្តបន្ទាយមានជ័យ បណ្តាល​ឲ្យ​រងរបួស ហើយ​បើក​រត់គេច និង​បង្ករឿង​តែម្តង​។ នគរបាល​បាន​វាស់ ជាតិ​អាល់កុល លើ​បុរស​ទំនើង​រូបនេះ ឃើញថា មាន​ជាតិ​អាល់ កុល​កម្រិត​៤០ បើតាម​ច្បាប់ គឺអាច​ឃុំខ្លួន​បាន​៕son-front1