ភ្នំពេញ ៖ យុវជន ២នាក់ បានរងរបួសយ៉ាងដំណំ ខណៈដែលពួកគេស្រវឹងស្រាជោកជាំ ជិះម៉ូតូម៉ាកវីវ៉ា ១គ្រឿង ពណ៌ខ្មៅ ពាក់ស្លាកលេខ បាត់ដំបង 1B-6506 បើកបរយ៉ាងលឿនតាមបណ្តោយផ្លូវកម្ពុជាក្រោម ក្នុងទិសដៅពីកើតទៅលិច លុះមកដល់ក្រោមស្ពានអាកាស ៧មករា ជាចំណុចផ្លូវកោងកាច់ចង្កូតមិនទាន់ ក៏ជ្រុលទៅបុកខឿនផ្លូវតែម្តង បណ្តាលឲ្យអ្នកជិះពីក្រោយសន្លប់ ឯអ្នកបើកបររបួសរលាត់ដៃជើង។ ហេតុការណ៍គ្រោះថ្នាក់ចរាចរណ៍បង្កដោយខ្លួនឯង នេះ បានកើតឡើងកាលពីវេលាម៉ោង ១១ និង ៥០នាទី យប់ថ្ងៃទី១០ កុម្ភៈ ២០១៤ ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
ក្រោយកើតហេតុ យុវជនរងរបួសសន្លប់ត្រូវមិត្តភក្តិជួយធ្វើចលនាប្រមាណជា ១០នាទី ទើបដឹងខ្លួន ហើយក៏ដឹកតាមម៉ូតូទៅព្យាបាលរបួសនៅមន្ទីរពេទ្យ៕ 
