ភ្នំពេញ ៖ យន្តហោះប្រទេស Airbus A320 របស់ក្រុមហ៊ុនអាកាសចរ Germanwings បានផ្ទុកមនុស្ស១៥០នាក់ ក្នុងនោះមានសិស្ស១៦នាក់ និងទារក២នាក់។ យន្តហោះមានផ្ទុកអ្នកដំណើរចម្រុះជាតិសាសន៍ចំនួន១៤៤នាក់ និងនាវិក៦នាក់ ធ្វើដំណើរពីទីក្រុងបាសេឡូណា 
របស់ប្រទេសអេស្ប៉ាញ ឆ្ពោះមកកាន់ទីក្រុង ឌូសែដុហ្វ របស់ប្រទេសអាល្លីម៉ង់ ហើយបានជួបគ្រោះថ្នាក់នៅភាគខាងត្បូងប្រទេសបារាំង កាលពីវេលាម៉ោង១០និង៣០នាទី ព្រឹកថ្ងៃទី២៤ ខែមីនា ឆ្នាំ២០១៥(ម៉ោងក្នុងតំបន់)។ រហូតដល់ថ្ងៃទី២៥ ខែមីនា នេះ ប្រអប់ខ្មៅត្រូវបានរកឃើញ ហើយបំណែកយន្តហោះជាច្រើនបានធ្លាក់រប៉ាត់រប៉ាយ នៅតាមជ្រលងភ្នំក្នុងតំបន់កើតហេតុ។ កងអន្តរាគមន៍របស់ប៉ូលិសបារាំងបានចេញប្រតិបត្តិការរុករកបំណែកយន្ត ហោះ និងសាកសពជនរងគ្រោះផងដែរ។
លោកហ្វ្រង់ស្វ័រ ហូឡង់ ប្រធានាធិបតីបារាំង បានថ្លែងក្រោយកើតឧបទ្ទវហេតុនោះថា មនុស្សធ្វើដំណើរក្នុងយន្តហោះនោះ សង្ស័យបាត់បង់ជីវិតទាំងអស់។ ដោយឡែកអ្នកនាំពាក្យក្រុមអាជ្ញាធរអាកាសចរណ៍ DGAC បានឲ្យដឹងថា យន្តហោះបានធ្លាក់នៅជិតទីក្រុង Barcelonnette ដែលមានចម្ងាយប្រហែល ១០០គីឡូម៉ែត្រ ភាគខាងជើងទីក្រុង រីវឺរ៉ា នៃដងទន្លេនីល របស់ប្រទេសបារាំង។
សូមបញ្ជាក់ថា យន្តហោះ Airbus A320 មានអាយុកាល២៤ឆ្នាំមកហើយ ដោយយន្តហោះនោះស្ថិតក្រោមការប្រតិបត្តិរបស់ក្រុមហ៊ុនមេ ឈ្មោះ Lufthansa ចាប់តាំងពីឆ្នាំ ១៩៩១រហូតមក៕
