កាលពីថ្ងៃទី២៣ខែមីនា គណកម្មធិការសហគមន៍អឺរ៉ុបបានផ្ញើលិខិតទៅកាន់តំណាងក្រុមហ៊ុនដឹកជញ្ជូនតាមដែនសមុទ្ររបស់អីរ៉ង ដោយប្រកាសពីគម្រោងបញ្ចូនក្រុមហ៊ុនដឹកជញ្ចូនចំនួន ៤០ របស់អីរ៉ងទៅក្នុងបញ្ចីដាក់ទណ្ឌកម្មសេដ្ឋកិច្ច។
ក្នុងចំណោមក្រុមហ៊ុនខាងលើមានទាំងក្រុមហ៊ុន Ocean Capital Administration GmbH.មានទីតាំងនៅទីក្រុងHamburg ប្រទេសអាល្លឺម៉ងទៀតផង ដែលត្រូវទទួលរងនៅការដាក់ទណ្ឌកម្ម របស់សហគមន៍អឺរ៉ុប ដោយសារតែជាប់ពាក់ព័ន្ធនឹងក្រុមហ៊ុនដឹកជញ្ជូនរបស់ប្រទេសសាធារណរដ្ឋអិស្លាមអីរ៉ង។
នៅក្នុងសារលិខិតខាងលើ អឺរ៉ុបបានបញ្ចាក់ថា បណ្តាក្រុមហ៊ុន ទាំងនោះនិងបញ្ចូនទៅក្នុងបញ្ចីដាក់ទណ្ឌកម្មជាថ្មី។
ឆ្លើយតបទៅនឹងសកម្មភាពខាងលើ មេធាវីភាគីអីរ៉ងបញ្ចាក់ថា សកម្មភាពរបស់អឺរ៉ុបមានលក្ខណនយោបាយដោយមិនបានប្រើប្រាស់ភ័សតាងច្បស់លាស់ណាមួយនោះឡើយ។ មេធាវីអីរ៉ងបញ្ចាក់ទៀតថា គោលដៅរបស់អឺរ៉ុបដើម្បីដាក់គំនៀបទៅលើរដ្ឋាភិបាលអីរ៉ងដើម្បីឈានដល់កិច្ចព្រមព្រៀងស្តីពីកម្មវិធីបរមាណូ។
នៅក្នុងព្រិតការមួយផ្សេងទៀតពាកព័ន្ធនោះដែរ កិច្ចព្រមព្រៀង ស្តីពីនុយក្លេអ៊ែរអ៊ីរ៉ង់ដែលក្រុមចរចា ៥ភាគីបូក១ គ្រោងអនុម័តឲ្យបាននៅមុនថ្ងៃទី៣១ មីនាខាងមុខ គឺជាកិច្ចព្រមព្រៀងនយោបាយមួយដែលអ៊ីរ៉ង់ចេញមុខធានានៅចំពោះមុខ សហគមន៍អន្តរជាតិពីតម្លាភាពនៅក្នុងកម្មវិធីនុយក្លេអ៊ែររបស់ខ្លួន ពិសេសមិនផលិតគ្រាប់បែកបរមាណូ។ ជាថ្នូរត្រឡប់វិញ សហគមន៍អន្តរជាតិយល់ព្រមលើកទ័ណ្ឌកម្មទាំងអស់ចេញពីអ៊ីរ៉ង់។ លោកប្រមុខការទូតអាមេរិកចន ឃ៊ែរីបានថ្លែងនៅក្រោយជំនួបជាមួយសមភាគីអ៊ីរ៉ង់លោកម៉ូហាម៉ាត យ៉ាវ៉ា ហ្ស៉ារីហ្វថា កិច្ចចរចាបានផ្តោតលើប្រធានបទពិបាកៗជាច្រើន តែមានការរីកចម្រើនគួរឲ្យកត់សម្គាល់។ រីឯសមភាគីអ៊ីរ៉ង់លោកហ្ស៉ារីហ្វក៏បានយល់ឃើញដូចលោកឃ៊ែរីដែរ តែបានអះអាងថា នៅមានការងារជាច្រើនទៀតដែលត្រូវធ្វើ។
យោងតាម ប្រមុខការទូតអ៊ីរ៉ង់ដដែល កិច្ចចរចា ៥ភាគីបូក១បានឈានចូលដល់ដំណាក់កាលមួយពិបាក និងដែលគេត្រូវនិយាយត្រង់ទៅ ត្រង់ដោយតម្លាភាព និងស្មើភាពគ្នា។ ទន្ទឹមគ្នានេះ លោកហ្ស៉ារីហ្វបានបង្ហើបឲ្យដឹងថា មានសញ្ញាវិជ្ជមានជាច្រើនកំពុងលេចឡើងនៅក្នុងកិច្ចចរចាពេលនេះ និងថា ក្រុមអ្នកចរចាអ៊ីរ៉ង់នឹងបន្តស្ថិតក្នុងទីក្រុងឡូសានដោយគ្មានកំណត់ ថ្ងៃដើម្បីសម្រេចឲ្យបាននូវកិច្ចព្រមព្រៀងនយោបាយមួយស្តីពី សំណុំរឿងនុយក្លេអ៊ែរអ៊ីរ៉ង់ដ៏ចម្រូងចម្រាស។ ក៏ប៉ុន្តែ សុទិដ្ឋិនិយមរបស់អ៊ីរ៉ង់ និងអាមេរិកពេលនេះមិនមែនជាការយល់ឃើញរបស់ភាគីចរចាអឺរ៉ុបទេ។
មន្ត្រីការទូតអឺរ៉ុបម្នាក់បានឆ្លើយនៅមុខក្រុមអ្នកកាសែតថា កិច្ចព្រមព្រៀងនយោបាយមួយស្តីពីរឿងនុយក្លេអ៊ែរអ៊ីរ៉ង់ស្ថិតនៅឆ្ងាយ សែនឆ្ងាយ និងថា លោកគ្មានជំនឿបន្តិចណាសោះថា គេអាចរកឃើញកិច្ចព្រមព្រៀងនៅក្នុងសប្តាហ៍នេះ។ មន្ត្រីការទូតអឺរ៉ុបដដែលថែមទាំងបាននិយាយចំអកថា អ៊ីរ៉ង់បានប្តូរជំហរជារៀងរាល់ថ្ងៃ ម្តងបោះជំហានទៅមុខ ម្តងបោះថយក្រោយវិញ៕
