ភ្នំពេញ៖ បុរសម្នាក់បានរងរបួសយ៉ាងធ្ងន់ធ្ងរបែកគ្រាប់ភ្នែកនិងផុងថ្ពាល់ខាងឆ្វេងបន្ទាប់ពីបុរស នោះ ទើបតែចេញ ពីធ្វើការរួចត្រឡប់ទៅផ្ទះវិញតាមបណ្តោយផ្លូវជាតិលេខ៣លុះមកដល់ចំណុចកើតហេតុមានរថយន្តម៉ាកនីសាន់ដឹកស៊ីម៉ង់មួយគ្រឿងបើកដោយបុរសម្នាក់តាមបណ្តោយផ្លូវជាតិលេខ៣ ក្នុងល្បឿនលឿនដោយសារតែបុរសនោះ បានជិះម៉ូតូនៅនិងកណ្តាលទ្រូងផ្លូវពេកជាហេតុធ្វើអោយ រថយន្តវ៉ាក់ជ្រុលទៅបុកចំពីមុខតែម្តងចំណែកតៃកុង រថយន្តរត់គេចខ្លួនបាត់ស្រមោល។ ហេតុការណ នេះកើតឡើងកាលពីវេលាម៉ោង១១និង១០នាទីយប់ ថ្ងៃទី២៦ ខែមីនា ឆ្នាំ២០១៥ នៅតាមបណ្តយ ផ្លូវជាតិលេខ៣ ស្ថិតក្នុងភូមិព្រៃទី ក្នុងសង្កាត់ភ្លើងឆេះរទេះ ខណ្ឌពោធិ៍សែនជ័យ។
ជនរងគ្រោះមានឈ្មោះ ស៊ន សុវណ្ណារិទ្ឋ អាយុ៤៨ឆ្នាំ មានមុខរបរជាអ្នកបើកឡាន ស្នាក់នៅក្នុងភូមិវត្តស្លែង សង្កាត់ពងទឹកខណ្ឌដង្កោ។
ប្រភពពត៌មានពីកន្លែងកើតហេតុបានឲ្យដឹងថានៅមុខពេលកើតហេតុមានបុរសម្នាក់ជិះម៉ូតូមួយគ្រឿងម៉ាកហុងដា វ៉េវ ពណ៌ក្រហមលាយខ្មៅពាក់ស្លាកលេខកណ្តាល 1G-6715 ជិះនៅលើបណ្តោយផ្លូវជាតិលេខ៣ ក្នុងទិសដៅ ពីជើងទៅត្បូងក្នុងល្បឿនលឿនលុះមកដល់ចំណុចកើតហេតុមានរថយន្តម៉ាកនីសាន់ដឹកស៊ីម៉ង់មួយគ្រឿងក្បាល ពណ៌ខ្មៅលាយទឹកក្រូចពាក់ស្លាកលេខភ្នំពេញ 3A-1313 បើកដោយបុរសម្នាក់ក្នុងទិសដៅពីត្បូងទៅជើង 
បញ្ច្រាសទិសគ្នាក្នុងល្បឿនលឿនដោយស្ថានភាពផ្លូវងងឹតបានវ៉ាក់ជាមួយនិងម៉ូតូហុងដាវ៉េវដែលបុរសនោះបាន ជិះនៅនិងកណ្តាលទ្រូងផ្លូវជាន់ហ្វ្រាំងមិនទាន់ទៅបុកចំពីមុខពេញទំហឹងបណ្តាលអោយបុរសនោះប៉ើងអូសជិត ២០មែត្ររងរបួសធ្ងន់បែកគ្រាប់ភ្នែកខាងឆ្វេងនិងផុងថ្ពាល់ហូរឈាមពេញផ្លូវចំណែករថយន្តបើករតគេចបាន ចំងាយជិត១០០មែត្រពេលឃើញប្រជាពលរដ្ឋដែលធ្វើដំណើរតាមផ្លូវដេញស្ទាក់ក៏ឈប់រថយន្តរួចលោតចុះរត់គេចខ្លួនតែម្តង។
ក្រោយពេលកើតហេតុសមត្ថកិច្ចមូលដ្ឋានបានមកដល់ភ្លាមៗព្រមទាំងហៅរថយន្តសាមុយមកដឹកយកអ្នករងរបួស ធ្ងន់ទៅសង្គ្រោះនៅមន្ទីរពេទ្យចំណែករថយន្តនិងម៉ូតូត្រូវបានសមត្ថកិច្ចធ្វើការវាស់់វែងយកទៅរក្សាទុកនៅ ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរងចាំម្ចាស់ក្រុមហ៊ុនមកដោះស្រាយគ្នា ទៅតាមផ្លូវច្បាប់៕
