កាលពីថ្ងៃទី៣១ខែមីនា សហជីពកម្មករវិស័យដឹកជញ្ជូនអាហ្សងទីន រួមជាមួយគណបក្សប្រឆាំង បាននាំគ្នាធ្វើមហាកូដកម្មរយៈពេល២៤ម៉ោងនៅទូទាំងប្រទេស ទាមទារដ្ឋាភិបាលកាត់បន្ថយពន្ធរបស់ពលរដ្ឋ ពិសេសគឺអ្នកដែលមានប្រាក់ចំណូលលើសពី១៧០០
ដុល្លារក្នុងមួយខែ។ រដ្ឋាភិបាលអាហ្សងទីនធ្លាប់បានច្រានចោលសំណើរខាងលើដោយមូលហេតុ ថាមានតេ៨ភាគរយប៉ុណ្ណោះអ្នកដែលមានប្រាក់ចំណូលខ្ពស់រងផលប៉ះប៉ះពាលដោយការបង់តាក់ជួបរដ្ឋ។ ការធ្វើកូដកម្មនោះបណ្តាលឲ្យវិស័យផលិតត្រូវកកស្ទះទាំងស្រុង។
ក្រុមកូដកម្ម បានបិទផ្លូវដ៏សំខាន់នៅក្នុងទីក្រុង Buenos Aires ។ចំណែកអាកាសយានដ្ឋានBuenos Aires ក៏ត្រូវបិទទ្វាផងដែរ ហើយជើងហោះហើរទាំងអស់ត្រូវផ្លាស់ប្តូរពេលវេលាហោះហើរមកថ្ងៃទី១ខែមេសាវិញ។ ចំណែកអាកាសយានដ្ឋានអន្តរជាតិEzeiza ដែលមានជើងហោះហើរមកពីបរទេសក៏ត្រូវផ្លាស់ប្តូទៅចុះចត់នៅកន្លែងផ្សេងចៀសវាងការកកស្ទះ។ បណ្តាធានាគា កំពុងផែ ស្ថានីយលក់ប្រេងសាំង សាលារៀន ជាដើមត្រូវបានបិទទ្វា។ចំណែកមន្ទីពេទ្យ ក៏ត្រូវផ្អាកទទួលអ្នកជំងឺលើកលេងតែស្ថានភាពសង្គ្រោះបន្ទាន់តែប៉ុណ្ណោះ។ក្រុមគ្រូពេទ្យមិនអាចទៅកន្លែងធ្វើការបានដោយដារតែគ្មានមធ្យោបាយធ្វើដំណើរ។
រដ្ឋមន្ត្រីក្រសួងចរាចរណ៍លោក Florencio Randazzo បានថ្កោលទោសយ៉ាងខ្លាំងដល់សកម្មភាពធ្វើកូដកម្មបង្ករឲ្យមានការកកស្ទះបែបនេះ។លោកបន្តទៀតថា មេដឹកនាំកម្មការជាអ្នកមានប្រាក់ចំណូលខ្ពស់ចំណែក អ្នកដែលចូលរួមបាតុកម្មជាពលករក្រីក្រ ។ ហេតុការខាងលើកើតឡើងចំពេលដែលលោកRandazzo ត្រូវតែបកស្រាយនៅក្នុងសភាពីគម្រោងដាក់បញ្ចូនវិស័យផ្លូវដែកនៅក្នុងការគ្រប់គ្រងរបស់រដ្ឋ។
ក្នុងពេលជាមួយគ្នានេះបេក្ខភាពក្រុមប្រឆាំងបានប្រកាសថានិងត្រួតពិនិត្យឡងវិញនៅគោលនយោបាយពន្ធដា ប្រសិនបើក្រុមប្រឆាំងយកឈ្នះនៅក្នុងការបោះឆ្នោតនាថ្ងៃទី២៥ខែតុលាឆ្នាំ២០១៥ខាងមុខ។ ចំណែកក្រុមកម្មករក៏បានសន្យាបន្តធ្វើកូដកម្មរយពេល៣៦ម៉ោងបន្តទៀតក្នុងពីរសប្តាហ៍ខាងមុខ។
តាមតួរលេខការធ្វើកូដកម្មធ្វើឲ្យអាហ្សងទីនត្រូវខាតបង់ទឹកប្រាក់ប្រមាណ៣៤០លានដុល្លារ ។ នេះជាការធ្វើកូដកម្មលើកទី៤ហើយក្រោយការដឹកនាំរបស់ប្រធានាធិបតីCristina Fernandez៕
