អ្នកឯកទេសវិភាគនយោបាយអាមេរិកលោកWilliam Jones មកពីទស្សនាវដ្តីExecutive Intelligence Review របស់អាមេរិកបានឲ្យដឹងថាពលរដ្ឋអាមេរិកពិតជាមានការធុនទ្រាន់និងគោលនយោបាយរបស់គ្រួសារត្រកូនប៊ូសនិងគ្លីនតុន ដោយពេលនេះ ពលរដ្ឋអាមេរិកចង
មើលឃើញអ្នកនយោបាយថ្មីឡើងដឹកនាំអាមេរិកវិញម្តង។
លោកWilliam Jones បន្តទៀតថា«យើងពិតជាហត់នឿយនិងធុនទ្រាន់ទៅលើការដឹកនាំទាំងគ្រួរសារត្រកូនប៊ូសនិងគ្លីនតុន ។ពេលនេះយើងត្រូវការមនុស្សថ្មីឈ្មោះថ្មីឡើងដឹកនាំអាមេរិកវិញម្តង»។ កន្លងមកអតីត អភិបាលរដ្ឋ Maryland លោកMartin o’malley ក៏បានរិះគន់បេក្ខភាពប្រធានាធិបតី អាណាត្តិថ្មីឆ្នាំ២០១៦គឺលោកស្រីហ៊ីលឡារីគ្លីនតុន និងលោកJeb Bush ដែលជាប្អូនប្រុសអតីតប្រធានាធិបតីប៊ូស មានគម្រោងប្តូរវេងគ្នាឡើងកាន់អំណាច។ លោកO’Malley បញ្ចាក់ថា«ខ្ញុំសូមនិយាយតាមត្រងថា តំណែងប្រធានាធិបតីអាមេរិកមិនមានជាពានរង្វាន់ឬម្កុដ្ឋនោះឡើយ ដែលគ្រួរសារទាំងពីរប្តូវេនគ្នាគ្រប់គ្រង»។
បច្ចុបន្ន អតីតរដ្ឋមន្ត្រីការបរទេសអាមេរិកលោកស្រីហ៊ីឡារីគ្លីនតុន និងអតីត អភិបាលរដ្ឋFlorida លោក Jeb Bush បានក្លាយជាបេក្ខភាពប្រធានាធិបតីនៅក្នុងការបោះឆ្នោតនាឆ្នាំ២០១៦។ នៅពេលនេះគេមិនទាន់មើលឃើញថាមានបុគ្គលណាមួយដែលមានសម្ថភាពជាងអ្នកទាំងពីរខាងលើដើម្បីដណ្តើមដណ្តើមដំណែងប្រធានាធិបតីនោះឡើយ។
បើតាមការស្ទាប់ស្ទងមតិនាពេលកន្លងមក បេក្ខភាពប្រធានាធិបតីហ៊ីលឡារីគ្លីនតុនទទួលបានការគាំទ្រច្រើនជាងគេបំផុតនៅឲ្យក្លាយជាប្រធានាធិបតីអាមេរិកនាឆ្នាំ២០១៦។ ពលរដ្ឋអាមេរិកយលឃើញថា នៅក្នុងរដ្ឋកាលដឹកនាំរបស់អតីតប្រធានាធិបតីប៊ីលគ្លីនតុន បានធ្វើឲ្យសេដ្ឋកិច្ចអាមេរិកមានការីកចំរើនខ្ពស់។ ទាំងនោះហើយបានជាពលរដ្ឋអាមេរិកមានទំនុកចិតទៅលើការដឹកនាមរបស់ត្រកូនគ្លីនតុនច្រើនជាងត្រកូលប៊ូស៕
