ប្រឆាំងនឹង ច្បាប់ធានារ៉ាប់រងកម្មកររាប់ពាន់នាក់ របស់រោងចក្រស្បែកជើងមួយ នៅក្នុងទីក្រុង ហូជីមិញ ដែលជាទីក្រុងធំជាងគេ ក្នុងប្រទេស វៀតណាម បាននាំគ្នាធ្វើកូដកម្ម រយៈពេល ០៦ថ្ងៃ នៅក្នុងការតវ៉ា ដែលកម្រមួយ ប្រឆាំងនឹងរដ្ឋាភិបាល។យោងតាមសារព័ត៌មាន ប៊ីប៊ីស៊ី 
ចេញផ្សាយនៅថ្ងៃពុធ ទី០១ ខែមេសា ឆ្នាំ២០១៥ បានឲ្យដឹងថា កម្មករទាំងអស់នោះ បានតវ៉ាទៅនឹងច្បាប់ ធានារ៉ាប់រងសង្គមមួយ ដែលនឹងចាប់ផ្តើមឡើង នៅឆ្នាំ២០១៦ក្រោយនេះ។
ក្រុមអ្នកតវ៉ាទាំងនោះ បានកាន់កាប់បរិវេណរោងចក្រ Pou Yuen របស់កោះតៃវ៉ាន់ ដែលជារោងចក្រ ផលិតស្បែកជើងម៉ាកល្បីៗដូចជា ម៉ាក់ Nike និង Adidas។ គួរកត់សម្គាល់ថា ប្រជាជនវៀតណាមពេលខ្លះ គេសង្កេត ឃើញមានជម្លោះពាក់ព័ន្ធ កម្មករពិតមែន ប៉ុន្តែការតវ៉ាដែលមានលក្ខណៈទ្រង់ទ្រាយធំ ប្រឆាំងរដ្ឋាភិបាល គេកម្រ នឹងឃើញខ្លាំងណាស់។
មន្ត្រីរដ្ឋាភិបាល បានព្យាយាមចរចា ខណៈផ្លូវមួយចំនួននៅជុំវិញរោងចក្រ ត្រូវបានក្រុមអ្នកតវ៉ាបិទ ដែលពួកគេ បាននាំគ្នាតវ៉ា ដោយសន្តិភាពទាំងអស់គ្នា។
លោកស្រី ង្វៀន ត្រាន ភួង ត្រាន អនុប្រធានសហជីព បាននិយាយថា «ក្រុមហ៊ុនបានអនុញ្ញាតឲ្យពួកគេសម្រាកមួយថ្ងៃ ហើយយើងក៏បានចរចាជាមួយ ក្រុមកម្មករផងដែរ»៕
