អាមេរិកកំពុងតែជម្រុញឲ្យមានកិច្ចសហប្រតិបត្តិការថែមទៀតរវាងសម្ព័ន្ធមិនងជិតស្និតបំផុតទាំងពីរនៅតំបន់អាស៊ីគឺប្រទេសជប៉ុននិងកូរ៉េខាងត្បូង ក្រោយការខិតខំយ៉ាងយកចិត្តទុកដាក់ពីអាមេរិក។
ក្នុងពេលដែលអាមេរិក ជប៉ុននិងកូរ៉េខាងត្បូងបានចុះហត្ថលេខាទៅលើកំណត់ហេតុMOU ក្នុងការពង្រីកកិច្ចសហប្រតិបត្តិការត្រីភាគីតាមរយកិច្ចព្រមព្រៀងចែករំលែកព័ត៌មានចារកម្មកាលពីខែ១២ឆ្នាំ២០១៤។ សកម្មភាពខាងលើគឺជាជំហានដ៏ត្រឹមត្រូវមួយដើម្បីឆ្ពោះទៅរកទំនាក់ទំនងល្អប្រសើរឡើង។
លោកDavid Shear ជំនួយការរបស់រដ្ឋមន្ត្រីការពារជាតិអាមេរិកទទួលបន្ទុកសន្តិសុខអាស៊ីប៉ាស៊ីហ្វិកបានឲ្យដឹងថា កិច្ចសហប្រតិបត្តិការខាងលើនិងឆ្ពោះទៅរកការពង្រីកកិច្ចព្រមព្រៀង ជាទ្រងទ្រាយធំរវាងប្រទេសទាំង៣។
ការពង្រឹងទំនាក់ទំនងត្រីភាគីក្នុងគោលដៅការពារការគម្រាមកំហែអពីប្រទេសជិតខាងពិសេសគឺកូរ៉េខាងជើងដែលកំពុងតែពង្រីកការផលិតសព្វាវុធទំនើបៗរបស់ខ្លួន។ ក្នុងពេលជាមួយគ្នានេះប្រព័ន្ធផ្សព្វផ្សាយជាច្រើនបានបញ្ចាក់ថា មេដឹកនាំកូរ៉េទាំងពីរអាចជួបពិភាគ្សាគ្នានៅក្នុងប្រទេសរុស្ស៊ី។
ឯកអគ្គរដ្ឋទូតរុស្ស៊ី ប្រចាំកូរ៉េខាងត្បូង លោក អាឡិកសាន់ឌ័រ ទីម៉ូនីន បានសម្តែងនូវ សេចក្តីសង្ឃឹមថា ប្រធានាធិបតីកូរ៉េខាងត្បូង លោកស្រី ផាក គឺនហេ នឹងទទួលយកការ អញ្ជើញឱ្យចូលរួមប្រារព្ធពិធី ខួបលើកទី៧០ នៃការបញ្ចប់ សង្គ្រាមលោកលើកទី២ ដែលធ្វើឡើង នៅក្នុងទីក្រុងម៉ូស្គូ នៅខែក្រោយនេះ ។
ទីភ្នាក់ងារសារព័ត៌មានក្យូដូជប៉ុន ចេញផ្សាយ ថ្ងៃទី០២ ខែមេសា ឆ្នាំ២០១៥នេះ ឲ្យដឹងថា ដូចដែលមេដឹក នាំកូរ៉េខាង ជើងលោក គីម ជុងអ៊ុន ត្រូវបានគេរំពឹងយ៉ាងមុតមាំថា លោកនឹង ចូលរួមពិធីបុណ្យ នៅថ្ងៃទី៩ ខែឧសភា និងលោក ស្រី ផាក ក៏ត្រូវបានចូលរួមតាមដាន យ៉ាងដិតដល់ ដោយសារតែថាតើអ្នកទាំងពីរ មានបំណងទទួលយកកន្លែង ជាទី សន្ទនាសម្រាប់អន្តរកូរ៉េ ឫក៏អត់ ។
សារព័ត៌មានយ៉ុនហាប់ បានដកស្រង់សម្តី លោក ទីម៉ូនីន ថា “វាអាស្រ័យលើថ្នាក់ដឹកនាំ នៃប្រទេសកូរ៉េ ទាំងពីរ ស្ដីពី កិច្ចចរចាអន្តរកូរ៉េ ។ ប្រសិនបើទាំងពីរអញ្ជើញមកទស្សនា ប្រទេសរុស្ស៊ី និងយល់ព្រមចូលក្នុង តុចរចានោះ ប្រទេស រុស្ស៊ីអាចនឹងធ្វើឱ្យមានកិច្ចខិតខំ ប្រឹងប្រែង ដើម្បីបង្កើតបរិស្ថានល្អប្រសើរមួយ សម្រាប់ការសន្ទនា រវាងកូរ៉េទាំងពីរ បាន។
ប្រសិនបើលោក គីម ជុងអ៊ុន សម្រេចចូលរួម នោះវានឹងក្លាយជាការធ្វើដំណើរទស្សនកិច្ចក្រៅ ប្រទេសជាលើកដំបូង របស់លោកហើយ ចាប់តាំងពីចូលកាន់តំណែង កាលពីចុងឆ្នាំ២០១១ មកខណៈដែលលោកស្រី ផាក គឺនហេ មិន ទាន់បានសម្រេចចិត្តនៅឡើយទេ ថាតើនឹងចូលរួមក្នុងការណាត់ជួបនោះ ៕
