ខេត្តដុងណាយៈ ពិធីចុះហត្ថលេខា ក្នុងកិច្ចសហការរវាងបញ្ជាការដ្ឋានយោធាខេត្តដុងណាយ យោធភូមិភាគទី៧ នៃកងទ័ពប្រជាជនវៀតណាម ជាមួយនឹងតំបន់ប្រតិបត្តិកាសឹករងកំពង់ធំ យោធភួមិភាគទី៤ និងការចងសម្ព័ន្ឋមេត្រីភាពរវាងប្រទេសទាំងពី ក្នុងកិច្ចសហប្រតិបត្តិការល្អ ក្នុងការផ្លាស់ប្តូរបទពិសោធន៍ និងការទំនាក់ទំនងផ្នែកយោធាឲ្យមានប្រសិទ្ធភាព។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិកាសឹកកំពង់ធំ បានមានប្រសាសន៍ថា ការដឹកនាំនាយទាហាន នៃតំបន់ប្រតិបត្តិការសឹករងកំពង់ធំ គឺក្នុងគោលបំណងផ្សារភ្ជាប់ចំណងសាមគ្គីរវាងកងទ័ពទាំងពីប្រទេស ខាងផ្នែកយោធា ដើម្បីផ្លាស់ប្តូរនូវបទពិសោធន៍នានា ទាំងចិត្តសាស្ត្រ និងយុត្តិសាស្ត្រក្នុងការគ្រប់គ្រង់ផ្នែកយោធា ដើម្បីសន្តិសុខ សុវត្តិភាពរបស់ប្រជាពលរដ្ឋ ក្នុងនោះដែរយោធភូមិភាគទី៧ នៃកងទ័ពប្រជាជនវៀតណាម បានយល់ព្រមឯកភាព ផ្នែកបច្ចេកទេសយោធានិងការជួយលើការស្ថាបនា សាងសង់បន្ទាយជូនដល់តំបន់ប្រតិបត្តិការសឹករងកំពង់ធំ។
ពិធីចុះហត្ថលេខានេះបានធ្វើឡើងនៅបញ្ជាការដ្ឋានយោធាខេត្តដុងណាយ នៅព្រឹកថ្ងៃទី ២៥ ខែមេសា ឆ្នាំ ២០១៥ ដែលមានការចូលរួម ពីសំណាក់ឯកឧត្តម ឧត្តមសេនីយ៍ទោ គង់ ផា មេបញ្ជាការងយោភូមិភាគទី៤ និងឯកឧត្តម ឧត្តមសេនីយ៍ត្រី ហ្វាង តឹងតាយ មេបញ្ជាការងយោភូមិភាគទី ៧ នៃកងទ័ពប្រជាជនវៀតណាម ព្រមទាំងឯកឧត្តម ប្រាក់ សារ៉ាត់ អភិបាលរងខេត្តកំពង់ធំ រួមជាមួយអាជ្ញាធរខេត្តដុងណាយ និងប្រតិភូយោធពលខេមរភូមិន្ទកម្ពុជាចំនួន១៥នាក់ចូលរួមផងដែរ។
ក្នុងកិច្ចចុះហត្ថលេខារវាងតំបន់ប្រតិបត្តិកាសឹករងកំពង់ធំនិងយោធភូមិភាគទី៧ នៃកងទ័ពប្រជាជនវៀតណាម ត្រូវបានយោគយល់ក្នុងកិច្ចសហប្រតិបត្តិការ ប្រកបដោយជោគជ័យក្នុងការកសាងអភិវឌ្ឍន៍ប្រទេសទាំងពី ទាំងផ្នែកយោធា ទេសចរណ៍ និងសង្គមជាតិ ក្នុងការទំនាក់ទំនងល្អប្រសើររវាងប្រទេសទាំងពី។
ឯកឧត្តម ឧត្តមសេនីយ៍ត្រី ហ្វាង តឹងតាយ មេបញ្ជាការងយោភូមិភាគទី៧ បានថ្លែងអំណរគុណដល់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចសហការល្អ ជាពិសេសកងយោធពលខេមរភូមិន្ទ បានចងសម្ព័ន្ឋមេត្រីភាព ក្នុងការចែករំលែក រួមគ្នាគិត រួមគ្នាធ្វើ ដើម្បីប្រទេសទាំងពីរ ទទួលបានជោគជ័យផ្នែកយោធា ជាចុងក្រោយគណៈប្រតិភូទាំងពី បានប្រគល់កាដូរវត្ថុអនុស្សាវរីយ៍ទៅវិញទៅមក និងពិសារបាយសាមគ្គី ក្នុងការបញ្ជាក់ពីទឹកចិត្តនិងភាពជិតស្និទ្ធរវាងកងទ័ពទាំងពីប្រទេស។
ដោយ ប៊ុន រដ្ឋា 
