​កម្លាំង​កងរាជអាវុធហត្ថ​ខេត្តសៀមរាប​បាន​ចុះ​អនុវត្ត​ធ្វើការ​ត្រួតពិនិត្យ​អាវុធជាតិផ្ទុះ​នៅពេល​យប់​ក្នុង​ក្រុង​សៀមរាប​ដូច​ភ្លៀវ​រលឹម​

0

​សៀមរាប : កិច្ច​ចុះ​ប្រតិបត្តិ​ការណ៍​ធ្វើការ​ត្រួតពិនិត្យ​អាវុធជាតិផ្ទុះ​នៅពេល​យប់​តាម​បណ្តា​ផ្លូវ​សម្ខាន់ៗ​ក្នុង​ក្រុង​សៀមរាប​ត្រូវបាន​កម្លាំង​កងរាជអាវុធហត្ថ​ខេត្តសៀមរាប​ចុះ​អនុវត្ត​ជាប្រចាំ​ដោយ​លោក​វរ​សេនី​យ៌​ឯក ស្រី យូ​រ៉ា មេបញ្ជាការរង​នៃ​ទីបញ្ជាការដ្ឋាន​កងរាជអាវុធហត្ថ​ខេត្តសៀមរាប​និង​ជា​ប្រធាន​មន្ទីរ​ស្រាវជ្រាវ​និង​យុត្តិធម៌​ដែល​បាន​ដឹកនាំ​កម្លាំង​ចុះ​ប្រតិបត្តិ​

ការណ៍​បាន​មានប្រសាសន៍​ឲ្យ​ដឹងថា ដោយ​អនុវត្តតាម​ការយកចិត្ត​ទុកដាក់​ខ្ពស់​ជាប្រចាំ​ពី​សំណាក់ ឯ​.​ឩ ឃឹម ប៊ុន​សុង អភិបាលខេត្ត​សៀមរាប​និង​ជា​ប្រធាន​គ​ណះ​បញ្ជា​ការឯកភាព​ខេត្ត និង ឯ​.​ឩ ឧ​ត្ត​ម​សេនី​យ៌​ត្រី ម៉ន សាម៉ុន មេបញ្ជាការ​កងរាជអាវុធហត្ថ​ខេត្តសៀមរាប​ក៏ដូចជា​ដើម្បី​ធ្វើ​ឲ្យ​ការអនុវត្ត​នូវ​គោលនយោបាយ​ភូមិ​ឃុំ​មាន​សុវត្ថិភាព​ឲ្យ​កាន់​តែមាន​ប្រសិទ្ធភាព​ថ្វេ​រដង​ផង​នោះ​។​

ជាក់ស្តែង​កម្លាំង​កងរាជអាវុធហត្ថ​ខេត្តសៀមរាប​តែងតែបាន​ចុះ​ប្រតិបត្តិ​ការណ៍​ធ្វើការ​ត្រួតពិនិត្យ​អាវុធជាតិផ្ទុះ​នៅពេល​យប់​ក្នុង​ក្រុង​សៀមរាប​ជាប្រចាំ​គឺ​ក្នុង​គោលបំណង​ដើម្បី បង្កា​ទប់ស្កាត់ និង​ការ ការពារ​ថែរក្សា សន្តិសុខ សុវត្ថិភាព​និង​សណ្តាប់​ធា្ន​ប់​សង្គម​ជូន​ដល់​បងប្អូន​ប្រជាពលរដ្ឋ​និង​ភ្ញៀវ​ទេសចរណ៍​គ្រប់​ជាតិ​សាស​ដែល​បានមក​ដើរ​កំសាន្ត​នៅក្នុង​ទឹកដី​ប្រ​វ​តិ្ត​សាស្ត្រ​នៃ​ខេត្តសៀមរាប​អង្គរ​របស់​យើង​ប្រកបដោយ​សុវត្ថិភាព​ខ្ពស់​ផងដែរ ។

លោក​វរ​សេនី​យ៌​ឯក ស្រី យូ​រ៉ា បាន​បន្ត​ប្រសាសន៍​ឲ្យ​ដឹង​ទៀតថា កន្លែង​ដែល​កម្លាំង​កងរាជអាវុធហត្ថ​សៀមរាប​ធ្វើការ​ត្រួតពិនិត្យ​អាវុធជាតិផ្ទុះ​នៅពេល​យប់​តាម​បណ្តា​ផ្លូវ​សម្ខាន់ៗ​ក្នុង​ក្រុង​សៀមរាប​កាលពី​យប់​ថ្ងៃទី​០៦​ខែមេសា​ឆ្នាំ​២០១៤​កន្លងទៅនេះ​គឺមាន​ចំនួន​៦​គោលដៅ ហើយ​តាម​គោលដៅ​និ​មួយៗ​បន្ទាប់ពី​បានធ្វើការ​ត្រួតពិនិត្យ​ជាក់ស្តែង​ហើយ​នោះ​គឺ​មិនមាន​អ្វី​កើតឡើង​គួរ​ឲ្យ​កត់សម្គាល់​នោះទេ ។ ​អត្ថបទ​ដោយ លោក ខេង ខេមរា រូបភាព លោក ម៉ែន បូរិទ្ធ​2 3 4 1