ប្រទេសនេបាល ចំនួនអ្នកស្លាប់ពីការរញ្ជួយដីដ៏មានឥទ្ធិពលមួយកាលពីថ្ងៃសៅរ៍នៅក្នុងប្រទេសនេប៉ាល់បានកើនឡើងដល់ 6.659 និងអ្នកដទៃទៀតមានចំនួនសរុប 14.062 បានរងរបួស នេះបើយោងតាម ក្រសួងមហាផ្ទៃរបស់ប្រទេសនេះ បានថ្លែងកាលពីថ្ងៃសៅរ៍។
ប៉ូលីសនេប៉ាល់ បានបន្តថា អ្នកដែលនៅក្នុងចំណោមជនបរទេស នោះ ត្រូវបានសម្លាប់រួមបញ្ចូលទាំង 76 ជាជនបរទេស ហើយ 204នាក់ ផ្សេងទៀតនៅតែបន្តបាត់ខ្លួន។
បេសកកម្មជួយសង្គ្រោះបានបរាជ័យក្នុងការឈានទៅដល់តំបន់ដាច់ស្រយាល នោះក៏ ដោយសារតែមានការរាំងស្ទះដល់ Gorkha ក្នុងការធ្វើចរាចរណ៍លើផ្លូវ។
មិនត្រឹមតែប៉ុណ្ណោះ ម្ហូបអាហារមិនគ្រប់គ្រាន់ ហើយ ការផ្គត់ផ្គង់ទឹកក៏ដូចជាអនាម័យត្រូវបានបង្កការគំរាមកំហែងដល់មនុស្សរាប់ពាន់នាក់ដែលកំពុងរស់នៅក្នុងតង់ ជាបណ្តោះអាសន្ន។
អ្នកស្រុកមួយចំនួននៅក្នុង ទីក្រុងកាត់ម៉ាន់ឌូ បានផ្លាស់ប្តូរត្រឡប់មកផ្ទះរងការខូចខាតរបស់ពួកគេវិញ ហើយ ការខិតខំប្រឹងប្រែងដើម្បីទៅយកសាកសពចេញពីកម្ទេចកំទី ត្រូវបានធ្វើបន្តទៀត ទោះបីជាមានការធ្លាក់ទឹកចិត្តបន្តិចក៏ពិតមែន តែក្តីសង្ឃឹមក្នុងការរុករក ឲ្យឃើញអ្នកនៅដែលរស់រានមានជីវិតនៅតែបន្ត។
សូមបញ្ជាក់ថា មួយសប្តាហ៍កន្លងមកហើយ បន្ទាប់ពីមានការរញ្ជួយដី 7,9 រ៉ិចទ័រ នៅប្រទេសនេប៉ាល់ ដែលបានសម្លាប់មនុស្សច្រើនពាន់នាក់ និង នៅតែបន្តបាត់ខ្លួនជាច្រើនរយនាក់ផងដែរ ៕