ភ្នំពេញ៖ ជនសង្ស័យម្នាក់ដែលប្រជាពលរដ្ឋដេញតាមចាប់ ខណៈដែលរូបគេបានធ្វើសកម្មភាពលួចកាច់កញ្ចក់រថយន្តមួយគ្រឿងម៉ាកឡង់គ្រីស័ររបស់គេដែលចតទុកនៅចិញ្ចើមផ្លូវ បានតែមួយជំហៀងក៏ត្រូវប្រជាពលរដ្ឋទាន់ចាប់បានរួចប្រគល់អោយសមត្ថកិច្ចកាលពីវេលាម៉ោង១១និង៣០នាទីយប់ថ្ងៃទី១២ខែកុម្ភៈឆ្នាំ២០១៤ មុខហាងយីហោ ការេ៩ ស្ថិតតាមបណ្ដោយផ្លូវ៨៦ ក្នុងសង្កាត់ស្រះចក ខណ្ឌដូនពេញ។ ជនសង្ស័យខាងលើនេះឈ្មោះ ជា និត ២២ឆ្នាំមុខរបរនិងទីលំនៅមិនពិតប្រាកដ។ បច្ចុប្បន្នជនសង្ស័យខាងលើនេះត្រូវបានប្រជាពលរដ្ឋប្រគល់អោយសមត្ថកិច្ចប៉ុស្ដិ៍
ស្រះចកឃុំខ្លួនបណ្ដោះអាសន្នដើម្បីសាកសួរបន្តហើយកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់៕