ភ្នំពេញ ៖ យុវជនម្នាក់បានជិះម៉ូតូមាកឌ្រីមសង់C125 មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1AA-8740 បានធ្វើដំណើរតាមបណ្ដោយផ្លូវ៤៣៦ ក្នុងល្បឿនលឿនពីទិសដៅកើតទៅលិច ខណៈមកចំណុចផ្លូវលេខ៩៩ដែលជាផ្លូវបែកជាបួន ក៏ជ្រុលទៅបុកនិងម៉ូតូស៊ីរុស មួយគ្រឿង ពណ៌ក្រហមលាយខ្មៅ ពាក់ស្លាកលេខ ភ្នំពេញ 1BY-1816 ដែលជិះដោយបុរសម្នាក់កំពុងធ្វើដំណើរតាមបណ្ដោយផ្លូវ៩៩ក្នុងទិសដៅពីត្បូងទៅជើងបណ្ដាលអោយម៉ូតូទាំង២គ្រឿងបុកគ្នាពេញទំហឹង សំណាងល្អម្ចាស់ម៉ូតូទាំង២គ្រាន់តែរងរបួសស្រាលចំណែកម៉ូតូវិញក៏រងការខូចខាតផងដែរ។
ក្រោយពីកើតហេតុសមត្ថកិច្ចបានចុះមកដល់កន្លែងកើតហេតុនិងធ្វើការសម្របសម្រួលអោយភាគីទាំងសងខាងបញ្ចប់រឿងនៅកន្លែងកើតហេតុ ហើយម្ចាស់ម៉ូតូទាំង២ក៏យល់ព្រមយកម៉ូតូរបស់ខ្លួនទៅជួសជុលដោយខ្លួនឯង៕ 
