ខេត្តព្រះវិហារ៖ប្រជាកសិករនៅខេត្តព្រះវិហារបានព្យាយាមខិតខំបង្កបង្កើនផលធ្វើស្រែរដូវស្សារបើទោះបីកន្លងមកពួកគាត់បានជួបគ្រោះរាំងភ្លៀងរយះពេលជាង១ខែក៍ដោយគឺនៅចុងខែកក្កដាដល់ថ្ងៃទី០៥សីហា២០១៥មានរបាយទឹកភ្លៀងធ្លាក់ស្រោចស្រពតាមវាលស្រែបានល្អប្រសើរវិញហើយ។វិស័យសេដ្ឋកិច្ចនៅខេត្តព្រះវិហារអាចរីកចំរើនលូតលាស់ទៅបានគឺពឹងផ្អែកទាំងស្រុងលើវិស័យកសិកម្មធ្វើស្រែ,ចំការ,ដាំដំណាំកសិឧស្សាហកម្មជាចម្បង។
ប្រជាពលរដ្ឋមួយចំនួននៅខេត្តព្រះវិហារមានការព្រួយបារម្ភអំពីតំលៃស្បៀងអាហារថាវានឹងទ្បើងថ្លៃប្រសិនបើកសិករនៅទូទាំងខេត្តធ្វើស្រូវនិងចំការមិនទទួលបានទិន្នផលល្អនៅឆ្នាំនេះហើយជីវភាពពួកគាត់ក៍នឹងជួបការលំបាកផងដែរក្នុងការចំណាយផ្គត់ផ្គង់ក្នុងគ្រួសារ។
កសិករម្នាក់នៅភូមិក្តាក់ឃុំត្បែង២ស្រុកគូលែនបានអោយដឹងនៅព្រឹកថ្ងៃទី០៥សីហាថាការបង្កបង្កើនផលដាំដុះស្រូវវស្សារនៅទូទាំងឃុំត្បែង២មានសភាពល្អប្រសើរវិញហើយបន្ទាប់ពីនៅតាមវាលស្រែមានទឹកភ្លៀងធ្លាក់ស្រោចស្រពគ្រប់គ្រាន់ចាប់តាំងពីចុងខែកក្កដាមកដល់
ថ្ងៃទី០៥សីហារនេះ។កសិករបន្តថាកាលពីខែមិថុនាដល់ដើមខែកក្កដា២០១៥កសិករមានការព្រួយបារម្ភខ្លាំងដោយសារដំណាំស្រូវរបស់ពួកគាត់ជួបគ្រោះរាំងភ្លៀង។កសិកររូបនេះថ្លែងថានៅក្នុងភូមិក្តាក់មានកសិករប្រមាណ១០គ្រួសារប៉ុណ្ណោះដែលមិនមានលទ្ធភាពធ្វើស្រែនៅឆ្នាំនេះដោយសារពួកគាត់ខ្វះទុនទិញគោក្របីយកមកភ្ជួររាស់ដីដើម្បីបង្កបង្កើនផលហើយអាជ្ញាធរខេត្តព្រះវិហារមិនបានអើពើចុះជួយដោះស្រាយចំពោះបញ្ហានេះទ្បើយ។
លោកប៉ាងយៀតអភិបាលស្រុកគូលែនបានអោយដឹងថាការបង្កបង្កើនផលរបស់បងប្អូនប្រជាកសិកនៅទូទាំងស្រុកគូលែនធ្វើស្រែវស្សារមានលក្ខណះល្អប្រសើរវិញហើយមកដល់ពេលនេះដោយសារមានរបាយទឹកភ្លៀងធ្លាក់ស្រោចស្រពនៅតាមវាលស្រែគ្រប់គ្រាន់។លោកអភិបាលស្រុកថ្លែងថាកសិករនៅទូទាំងស្រុកគូលែនបង្កបង្កើនផលធ្វើស្រែវស្សារបានចំនួន៧៣ភាគរយគឺស្មើផ្ទៃដីដាំដុះ១៥០០០ហិកតាហើយអាចចប់ផែនការដាំដុះនៅពេលខាងមុខដ៍ខ្លីនេះ៕
