ខេត្តព្រះសីហនុ=កូនគ្រែងឈាម(ងាវ)ចំនួន២០បាវមានទម្ងន់ជាង១ពាន់គីឡូក្រាមដែលពួកឈ្មួញលួចបង្កប់ដឹកតាមរថយន្តសាំយ៉ុងមួយគ្រឿងត្រូវបានក្រុមសមត្ថកិច្ចប៉ូលិសប្រឆាំងបទល្មើសសេដ្ឋកិច្ចក្រសួងមហាផ្ទៃឆ្មក់ចុះធ្វើការបង្ក្រាបនិងចាប់ដកហូតបានកាលពីម៉ោង៩យប់ថ្ងៃទី១៩សីហានៅតាមបណ្តោយផ្លូវជាតិលេខ៤ត្រង់ចំណុចឃុំជើងស្រុកព្រៃនប់ខេត្តព្រះសីហនុ។ក្រោយពេលបង្ក្រាបវត្ថុតាងជាមធ្យោបាយមានរថយន្តនិងកូនគ្រែងឈាមនិងអ្នកបើកបរត្រូវបានបញ្ជូនយកមករក្សារទុកនៅស្នងការនគរបាលខេត្តព្រះសីហនុភ្លាមៗផងដែរ។លោកវរសេនីយ៌ឯកសាន់ប៊ុនថនស្នងការងនគរបាលខេត្តព្រះសីហនុទទួលបន្ទុកកណ្តាលប្រឆាំងបទល្មើសបានមានប្រសាសន៌ថាកូនគ្រែងឈាមខុសច្បាប់ទាំងនេះត្រូវពួកឈ្មួញលួចដឹកបង្កប់តាមរថយន្តចេញពីក្នុងភូមិសាស្ត្រតំបន់សមុទ្រកោះខ្យងនាំចេញទៅខេត្តផ្សេងរឺអាចនាំចេញយកទៅលក់នៅប្រទេសជិតខាង។លោកសាន់ប៊ុនថនបានឲ្យដឹងទៀតថារថយន្តដឹកបទល្មើសជលផលនេះប្រភេទសាំយ៉ុងចំណុះ១២កៅអីពណ៌សំបកឳឡឹកពាក់ស្លាកលេខព្រះសីហនុ២អេ-៤១៥៧អ្នកបើកបរឈ្មោះផាន សុភឿនភេទប្រុសអាយុ២៨ឆ្នាំរស់នៅភូមិកោះខ្យងឃុំអូរជ្រៅស្រុកព្រៃនប់ខេត្តព្រះសីហនុ។លោកសាន់ប៊ុនថនបាននិយាយឲ្យដឹងទៀតថាក្នុងពេលបង្ក្រាបនោះមេឈ្មួញជាម្ចាស់ទំនឹញមិនមានវត្តមាននៅក្នុងរថយន្តដឹកបទល្មើសនោះទេ។នៅព្រឹកថ្ងៃទី២០សីហានេះវត្ថុតាងមានរថយន្តមួយគ្រឿងនិងកូនគ្រែងឈាមចំនួន២០បាវត្រូវបានសមត្ថកិច្ចប្រគល់ឲ្យមន្ត្រីខណ្ឌរដ្ឋបាលជលផលកំពង់សោមដើម្បីចាត់ការបន្តរតាមផ្លូវច្បាប់៕
