បន្ទាយមានជ័យ ៖ ក្នុងជំនួនពិភាគ្សាសម្តែងការគួរសម ជាមួយលោក គោស៊ុំ សារឿតអភិបាលខេត្តបន្ទាយមានជ័យកាលពីព្រឹកថ្ងៃទី១៤ កញ្ញា ២០១៥ នៅសាលាខេត្ត លោក អគ្គរាជទូតថៃប្រចាំកម្ពុជា បានស្នើរដល់អាជ្ញាធរខេត្ត និងខេត្តដទៃទៀតរបស់កម្ពុជា ពិនិត្យ និងមានវិធានការលើការតាំងពិរពណ៌ពាណិជ្ជកម្ម ដែលមិនមែនជាពិរពណ៌ពាណិជ្ជកម្មមិត្តភាពកម្ពុជាថៃជាផ្លូវរដ្ឋ ដោយនាំយកទំនិញក្លែងបន្លំ និងខូចគុណភាព មកដាក់តាំងនាំអោយប៉ះពាល់ដល់សុខភាព និងធ្វើអោយប៉ះពាល់ដល់កិច្ចសហប្រតិបត្តិការណ៍ និងចំណងមិត្តភាពកម្ពុជាថៃ ។
បន្ថែមលើសពីហ្នឹងទៀត បើសិនជាមានក្រុមហ៊ុនឯកជនរបស់ថៃ ធ្វើការដាក់តាំងពិរពណ៌ដោយប្រើទង់ជាតិរបស់ថៃ ឬប្រើស្លាកយីហោថា ពិរពណ៌មិត្តភាពកម្ពុជាថៃដែលមិនមែនជា ការតាំងពិរពណ៌ដោយរដ្ឋាភិបាលថៃដោយគ្រាន់តែជាការលក់ដូរធម្មតា សូមអោយអាជ្ញាធរធ្វើការត្រួតពិនិត្យ និងកុំអោយប្រើទង់ជាតិ ឬក៏ស្លាកយីហោខាងលើធ្វើអោយមានការយល់ច្រឡំ ។ ព្រោះថា កន្លងមកលោក សង្កេតឃើញថា មានក្រុមហ៊ុន ថៃជាច្រើនបាននាំយកទំនិញមិនល្អ ដែលមិនមែនជាទំនិញរបស់ក្រុមហ៊ុនថៃ ដោយខ្លះជាទំនិញហួសកាលបរិច្ឆេត និងខូចគុណភាព មកធ្វើការដាក់តាំងលក់ជារបៀបតាំងពិពណ៌ ។
ឆ្លើយតប និងការសំនូមពររបស់ឯកអគ្គរាជទូតថៃប្រចាំកម្ពុជាលោក គោស៊ុំ សារឿត អភិបាលខេត្តបន្ទាយមានជ័យ បានលើកឡើងថា កន្លងមកខេត្តបន្ទាយមានជ័យ ទទួលបានការតាំងពិពណ៌ជាមិត្តភាពកម្ពុជាថៃ ជាច្រើនដង ដោយក្នុងនោះមានមកពីខេត្តឈុនបូរី ប្រទេសថៃ និងក្រោយមកទៀត មានការតាំងពិពណ៌នៅប៉ោយប៉ែត តែលោកពុំដឹងថា ការតាំអពិពណ៌ទាំងនោះមានទំនិញយ៉ាងណានោះឡើយ ហើយលោកនឹងចាត់អោយខាងមន្ទីរពាណិជ្ជកម្មធ្វើពិនិត្យលើកិច្ចការនេះ ។
ជាមួយគ្នានោះផងដែរលោក អភិបាលខេត្តបន្ទាយមានជ័យ ក៏បានលើកយកពីសក្តានុពលរបស់ខេត្តបន្ទាយមានជ័យ លើវិស័យពាណិជ្ជកម្ម ឧស្សាហកម្ម កសិកម្ម ទេសចរណ៍ ដែឡវិស័យទាំងអស់នេះកំពុងត្រូវបានចាប់អារម្ភ និងមានការវិនិយោគបង្កើតជារោងចក្រ ។ ហើយលោកក៏បានស្នើរដល់អគ្គរាជទូតថៃធ្វើការទាក់ទាញវិនិយោគរបស់ថៃ មកវិនិយោគនៅខេត្តបន្ទាយមានជ័យ ។ ក្នុងនោះដែរលោក ក៏សូមអោយដំណើរទស្សនៈកិច្ចរបស់ឯកឧត្តមអគ្គរាជទូត និងប្រតិភូអមដំណើរទទួលបានជោគជ័យគ្រប់ភារកិច្ច ៕ Bun rithy