កាលពីរសៀលថ្ងៃទី១២ ខែកុម្ភៈ ឆ្នាំ២០១៤ នៅស្នងការដ្ឋាននគរបាលខេត្តកំពង់ចាម បានប្រារព្ធពិធី ប្រកាសផ្ទេរភារកិច្ចតែងតាំង មុខតំណែង និងបំពាក់ឋានន្តរសក្តិមន្ត្រីនគរបាលជាតិ នៃស្នងការដ្ឋាននគរបាលខេត្ត ក្រោមអធិបតីភាព លោកឧត្តមសេនីយ៍ត្រី បែន រ័ត្ន ស្នងការ នៃស្នងការដ្ឋាននគរបាលខេត្តកំពង់ចាម និងលោកស្នងការរងជាច្រើនរូបផងដែរ។ នៅក្នុងពិធីនេះលោកឧត្តមសេនីយ៍ត្រី ស្នងការនិងលោកស្នងការរងជាច្រើន រូបបាន ធ្វើការប្រកាសតែងតាំង និងបំពាក់ឋានន្តរ សក្តិ ថ្មីដល់មន្ត្រី នគរបាលចំនួន ១១២ នាក់ ស្រី ៣ នាក់ ក្នុងនោះមានថ្នាក់ អនុសេនីយ៍ត្រី ថ្នាកអនុសេនីយ៍ទោ និងថ្នាក់អនុសេនីយ៍ឯក ប្រកបដោយភាពស្និទ្ធស្នាល។
បន្ទាប់ពីបំពាក់ឋានន្តរសក្តិរួចមក កញ្ញាអនុសេនីយ៍ឯក ហៃ ឡាលីន តំណាងអោយមន្ត្រីនគរបាលជាតិ ដែលទើបទទួលការ ប្រកាសតែងតាំងមុខតំណែង និងបំពាក់ឋានន្តរសក្តិថ្មី បានឡើងធ្វើការប្តេជ្ញាចិត្តថា ត្រូវស្មោះត្រង់ជាដាច់ខាតចំពោះ ជាតិ សាសនា ព្រះហាក្សត្រ និង ខិតខំអស់ពីកម្លាំងកាយចិត្ត ក្នុងការពង្រឹង សុខសន្តិភាព ស្ថេរភាពនយោបាយ និងសុវត្ថិភាពសង្គម ដើម្បីបង្កលក្ខណៈជូនប្រជាពលរដ្ឋ រស់នៅប្រកបដោយសេចក្តីសុខ។
នៅទីបញ្ចប់ លោកឧត្តមសេនីយ៍ត្រី ស្នងការនៃស្នងការដ្ឋាននគរបាលខេត្តបាន មានប្រសាសន៍ផ្តាំផ្ញើរដល់ មន្ត្រីនគរបាល ដែលទើបបានប្រកាសតែងតាំង មុខតំណែងនិងបំពាក់ឋានន្តរសក្តិថ្មី ត្រូវមានសាម្គីភាពផ្ទៃក្នុងខ្ពស់ ស្នោះត្រង់ចំពោះអង្គភាពថ្នាក់ដឹកនាំ និងគោរពអោយបានល្អរាល់បទបញ្ជាផ្សេងៗ យកចិត្តទុកដាក់ ខិតខំប្រឹងប្រែងបំពេញភារកិច្ច រក្សាការពារសន្តិសុខ សុវត្ថិភាព សណ្តាប់ ធ្នាប់សង្គម ជូនប្រជាពលរដ្ឋបំរើប្រយោជន៍ជាតិ និងប្រជាពលរដ្ឋ ប្រមទាំងអនុវត្តនូវ គោលនយោបាយភូមិឃុំ មានសុវត្ថិភាពទាំងប្រាំបួន ចំនុច អោយបានល្អផងដែរ។