ព្រះវិហារៈ ព្រៃឈើជិតមួយម៉ឹនហិចតា ត្រូវបានគេកាប់ឈើបំផ្លាញ ក្រោមរូបភាពដីសម្បទានសេដ្ឋកិច្ច តែនៃផ្ទៃដីទាំង មូលពុំមានដំណាំសូម្បីតែមួយដើម ដែលត្រូវបានគេសង្ស័យថា ការដាក់ឈ្មោះក្រុមហ៊ុននេះ គឺក្នុងគោលបំណងយក តែឈើ ទាំងតូចធំ កាត់ជាកង់ៗធ្វើជាអុស និងឈើដុំធំត្រូវបានអាជ្រៀក ដឹកតាមរថយន្តបន្តកន្ទុយគ្នា ដោយពុំមានការចាប់អារម្មណ៍ពី សំណាក់សមត្ថកិច្ចជំនាញរដ្ឋបាលព្រៃឈើនោះឡើយ ភូមិ ភ្នំដែក ឃុំរមនីយ ស្រុករវាង ខេត្តព្រះវិហារ ទិដ្ឋភាពនេះ ត្រូវបានថតនៅរសៀលថ្ងៃទី ០១ ខែ តុលា ឆ្នាំ ២០១៥។
សោកវិនាសកម្មព្រៃឈើ ដ៏គួអោយសង្វែក ត្រូវបានឈ្មួញ អារកាត់ទាំងតូច ធំ មិនទាន់គ្រប់អាយុ ក៏សុទ្ធតែត្រូវប៉ាន់ តាមឡត៍ឥដ្ឋ ឡត៍ខ្យូង និងរោងសប្បកម្មនានា ទើបឈ្មួញប្រមូលគ្មានសល់ ក្រោមរូបភាពប្រើប្រាស់ឈ្មោះក្រុមហ៊ុន គ្រីនឆយ តែផ្ទុយទៅវិញ នៅលើផ្ទៃដីព្រៃពុំទាន់ឃើញមានការឈូសឆាយ ឬគ្រង់និងដាំដំណាំអ្វីនៅឡើយទេ តែបែរ ជាគេឃើញមានកំនរអុសតូចធំ រាប់ពាន់មែត្រគូប និងឈើធំៗជាច្រើន បានគរបំរ៉ុងដឹកចេញ ចំណែកការឈូសឆាយ គឺត្រូវបានឈូតែសម្រាប់ដាក់គំនរអុសរបស់ខ្លួនតែប៉ុណ្ណោះ។
បុរសម្នាក់បានអះអាងថា ខ្លួនជាមេការមើលការខុសត្រូវ បានឲ្យដឹងថាផ្ទៃដីដែលក្រុមហ៊ុនគ្រីនឆយ ទទួលបានជាង១ម៉ឺនហិចតា តែពេលនេះ ក្រុមហ៊ុនមិនទាន់សម្រេចថា និងដាំដំណាំអ្វីនោះទេ គឺស្ថិតនៅក្នុងការសិក្សាដីសិន ថាតើដីនេះត្រូវដាំម្រេច ឬដាំកៅស៊ូ ចំណែកអុស និងឈើ គឺត្រូវបានកាប់អារចេញពី ក្នុងដីក្រុមហ៊ុនគ្រីនឆយនេះ គឺមានថៅកែជាច្រើន នាក់ដោយលោកមិនស្គាល់។
លោក ស៊ីថា នាយសង្កាត់រដ្ឋបាលព្រៃឈើរវាង បានឲ្យដឹងថា ដីក្រុមហ៊ុនគ្រីនឆយ មានដល់ ៧៨៨៦ហិចតា តែពីមុន មកជាងមួយម៉ឺបហិតាមែន ក្រោយពីកាត់ផលប៉ះពាល់ចេញ នៅសល់ប៉ុណ្ណឹង ចំណែកអុសគឺត្រូវបានប្រមូលកាកសំណល់ព្រៃឈើ យកមកកែច្នៃ ហើយត្រូវបាន់បង់ពន្ឋដែរ ចំណែកឈើធំៗលោកពុំបានដឹងទេ ចំណែកសិម្បកម្មកែច្នៃក្នុងភូមិភ្នំដែក ចំនួន៦កន្លែងនោះ លោកមិនហ៊ានបង្ក្រាបនោះទេ ដោយសារតែ ខ្លាចប៉ះពាល់ដល់អាជ្ញាធរ ព្រោះកន្លង មកឲ្យតែចុះបង្ក្រាបគឺមានការអន្តរាគមន៍ ធ្វើឲ្យលោកមិនហ៊ានប៉ះ។
មហាជនកំពុងតែចាប់សំរិប របស់សមត្ថកិច្ចមេព្រៃ និងក្រុមហ៊ុន លេងបៀរប៉ុន្មានសន្លឹក ដោយសារតែពុំទាន់មានការ អភិវឌ្ឍន៍អ្វីទាំងអស់ ឃើញតែអារជ្រៀកឈើ កាត់ឈើមិនទាន់គ្រប់អាយុ ធ្វើជាអុសម៉ែត្រលក់ ដឹកចេញបន្តកន្ទុយគ្នា ទើបធ្វើឲ្យមានការសង្ស័យថា សុំដីសម្បទានគឺសំឡឹងឃើញព្រៃឈើ ។
ដោយ ប៊ុន រដ្ឋា
