សៀមរាប ៖ ជនសង្ស័យភេទប្រុសម្នាក់នេះមានឈ្មោះ វេន សំណាង ហៅ ត្រេន មានអាយុ២១ឆ្នាំមានស្រុកកំណើតនៅភូមិរំចេកស្រុករវៀងខេត្តព្រះវិហារបានមកក្រុងសៀមរាបកាលពីថ្ងៃទី៩ខែកុម្ភៈឆ្នាំ២០១៤កន្លងទៅនេះលុះដល់ថ្ងៃទី១១ថ្ងៃខែឆ្នាំដ៏ដែលជននេះបានទៅកន្លែងអ្នករត់តាក់ស៊ីដោយគេបានបន្លំខ្លួនធ្វើជាអ្នកដំណើរកជិៈតាក់ស៊ី។ត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាលនៃស្នងការខេត្តសៀមរាបធ្វើការចាប់ឃាត់ខ្លួនយកមកកាន់ការិយាល័យជំនាញដើម្បីធ្វើការសួរនាំព្រមទាំងរថយន្ត១គ្រឿងរបស់ជនរងគ្រោះជាអ្នករត់តាក់ស៊ីម៉ាកកាមរីសេរីឆ្នាំ៩៥ព័ណ៍សំបកឪឡឹកនេះផងដែរ។
សមត្ថកិច្ចបានឲ្យដឹងថានៅថ្ងៃខែកើតហេតុខាងលើជនសង្ស័យរូបនេះបានធ្វើសកម្មភាពបន្លំខ្លួនមករកជិះតាក់ស៊ីនៅក្នុងចំណតខាងកើតផ្សារលើធំថ្មីក្នុងក្រុងសៀមរាបដើម្បីជិៈទៅភ្នំពេញនៅពេលដែលរូបគេបានចូលក្នុងឡានរបស់ជនរងគ្រោះដែលរត់តាក់ស៊ីនេះហើយនោះដោយនៅក្នុងឡានតាក់ស៊ីមានអ្នកជិះចំនួន៣នាក់ទៀតដោយមើលឃើញមានឱកាសល្អដោយម្ចាស់ឡានមិននៅជនសង្ស័យនេះក៏បានបើកឡាននេះចេញទៅតែម្តង។
ដោយអ្នកជិះក្នុងឡានចំនួន៣នាក់ទៀតនោះស្មានថាជាមិត្តភ័ក្ត្រឫក៏តៃកុងឡានទើបធ្វើដំណើរទាំងអស់គ្នាជាមួយនិងជនសង្ស័យរូបនេះតែម្តងទៅ។សមត្ថកិច្ចបានបញ្ជាក់ថាលុះជនសង្ស័យនេះបានបើកឡានរបស់ជនរងគ្រោះមកដល់ត្រង់ចំណុចមុខប៉ុស្តិ៍នគរបាលរដ្ឋបាលឃុំសង្វើយស្រុកជីក្រែងខេត្តសៀមរាបក្នុងគោលបំណងលួចឡានអ្នករត់តាក់ស៊ីទៅភ្នំពេញនោះដោយមានការសហការណ៍រវាងសមត្ថកិច្ចខេត្តក្រុងនិងស្រុកបានល្អនោះទើបកម្លាំងសមត្ថកិច្ចយើងធ្វើការចាប់ឃាត់ខ្លួនជនសង្ស័យនេះបានតែម្តង។
បច្ចុប្បន្នជនសង្ស័យត្រូវបានសមត្ថកិច្ចកំពុងតែចំណាត់ការទៅតាមនិតិវិធីជាបន្តដោយឡែកឡានរបស់ជនរងគ្រោះត្រូវបានសមត្ថកិច្ចប្រគល់ជូនទៅឲ្យម្ចាស់ដើមវិញ៕ ដោយឡែកជនសង្ស័យភេទប្រុសម្នាក់នេះវិញក៏ត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាលនៃស្នងការខេត្តសៀមរាបធ្វើការចាប់ឃាត់ខ្លួនព្រមទាំងវត្ថុតាងជាផលិតផលរបស់ក្រុមហ៊ុន.ភើហ្វីកឃែរជាច្រើនយកមកកាន់ការិយាល័យជំនាញ
ដើម្បីធ្វើការសួរនាំជាប់ពាក់ព័ន្ធក្នុងករណីអំពើលួចសំភារះរបស់ក្រុមហ៊ុនដោយការចាប់ឃាត់នេះបានធ្វើឡើងកាលពីថ្ងៃទី១២ខែកុម្ភះឆ្នាំ២០១៤។ដោយសមត្ថកិច្ចបានបញ្ជាក់ថាជនសង្ស័យនេះគឺជាបុគ្គលិករបស់ក្រុមហ៊ុន.ភើហ្វីកឃែរប្រចាំខេត្តសៀមរាបហើយរូបគេបានឆ្លើយ
សារភាពថាកន្លងមកគេបានធ្វើសកម្មភាពលួចយកសំភារះទាំងនេះចំនួន៤ដងមកហើយ។បច្ចុប្បន្នជនសង្ស័យត្រូវបានសមត្ថកិច្ចចំណាត់ការទៅតាមនិតិវិធីដោយឡែកសំភារះទាំងនេះត្រូវបានសមត្ថកិច្ចធ្វើការប្រគល់ជូនទៅឲ្យក្រុមហ៊ុនវិញទៅផងដែរ ៕ ដោយ លោក ខេង ខេមរា 
