កំពង់ធំៈ ក្រោយការយកចិត្តទុកដាក់ របស់ប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា បានយកចិត្តទុកដាក់ មកលើអតីតយុទ្ធជន ដែលគ្រាកន្លងមក ធ្វើបានតស៊ូបំរើផលប្រយោជន៍ ប្រទេសជាតិ និងមានស្នារដៃជាច្រើន ដល់មាតុភូមិ និងទាមទារសន្តិភាព សន្តិសុខជូន ប្រជាជាតិខ្មែរ ទើបជម្រុញឲ្យតាមបណ្តាខេត្តក្រុង បង្កើតនូវសមាគមន៍ អតីតយុទ្ធជន ដើម្បីជួយគាំទ្ររផ្នែកហិរញ្ញវត្ថុ សម្រាប់យុទ្ធជនក្នុងសមាគមន៍ ក្នុងការចូលជាសមាជិកសមាគមន៍អតីតយុទ្ធជនកម្ពុជា ។
ជាក់ស្តែងក្រុមគ្រួសារ អតីតយុទ្ធជន និងជាសមាជិកសមាគមន៍អតីតយុទ្ធជនកម្ពុជា ខេត្តកំពង់ធំ ចំនួន ១៥ គ្រួសារ ក្នុងនោះមានស្រុកបារាយណ៍ ២នាក់ ស្រុក សន្ទុក៤នាក់ ស្រុកស្ទោង ៥នាក់ ស្រុកប្រាសាទបល្ល័ង្គ ៥នាក់ បានមកទទួលថវិកាមរណៈសង្គ្រោះក្នុងមួយគ្រួសារ ទទួលបាន ថវិកា ៤លានរៀល សូមបញ្ជាក់ថា ចំនួន១៥គ្រួសារនេះ ក្នុងនោះមាន ជនពិការ គ្រួសារពលី និងនិវត្តជន ត្រូវបានទទួលប្រាក់ពីសមាគមន៍ នៅតំបន់ប្រតិបត្តិការសឹករងកំពង់ធំ កាលពីថ្មីកន្លងមកនេះ។
ឯកឧត្តម សោម ស៊ុន បានមានប្រសាសន៍ថា ចំពោះក្រុមគ្រួសាររបស់ អតីតយុទ្ធជន និងត្រូវបានយកចិត្តទុកដាក់បំផុត ទៅជាក្រុមគ្រួសារនេះ បានពលី ពិការ ឬចូលនិវត្តជន ទៅហើយក្តី ក៏ជាបុគ្គលសំខាន់ក្នុងបុព្វហេតុការពារទឹកដី ការពារជាតិមាតុភូមិ មិនបានបោះបង់ចោល និងពុំមានការអើពើនោះទេ តែផ្ទុយទៅវិញគឺរាជរដ្ឋាភិបាល បានបង្កើតឲ្យ រៀបចំសមាគន៍សម្រាប់រៃអង្គាស ថវិការតិចតួចគឺ១០០រៀល ឬ២០០រៀល ក្នុងមួយខែ សម្រាប់បង់ជូនសមាគមន៍អតីត យុទ្ធ និងជាផលប្រយោជន៍ ថវិកាសម្រាប់ការជួយដល់ក្រុមគ្រួសារពួកគាត់ នៅពេលដែលត្រូវការចាំបាច់។
ដោយ ប៊ុន រដ្ឋា
