ភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែង ខណៈដែលរូបគាត់ជិះម៉ូតូដេញតាមចោរឆក់កាបូបម្នាក់ស្រាប់តែជ្រុលទៅបុកគូទរថយន្តហ៊ីយ៉ាន់ដាយ ១គ្រឿងហើយខ្ទាតទៅបោកនឹងរថយន្តឡិចស៊ីស ១គ្រឿង ទៀតបណ្តាលឲ្យបាក់.កស្លាប់តែម្តងដែលហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ៧និង ១០នាទី យប់ថ្ងៃទី១២ កុម្ភៈ ២០១៤នៅចំណុចមុខប៉ុស្តិ៍នគរបាលទឹកល្អក់ទី៣ស្ថិតក្នុងសង្កាត់ទឹកល្អក់ទី៣ ខណ្ឌទួលគោក។ជនរងគ្រោះមិនត្រូវបានស្គាល់អត្តសញ្ញាណនៅឡើយទេ។
តាមប្រភពព័ត៌មានបានឲ្យដឹងថាមុនពេលកើតហេតុ គេឃើញជនរងគ្រោះជិះម៉ូតូម៉ាកហុងដាប៊េនលីពណ៌ខ្មៅ ១គ្រឿង ពាក់ស្លាកលេខ ភ្នំពេញ 1BI-1488 ធ្វើដំណើរតាមផ្លូវលេខ១៨២ ក្នុងទិសដៅពីលិចទៅកើតដោយជិះដេញតាមចោរឆក់កាបូបលុះមកដល់ចំណុចមុខប៉ុស្តិ៍នគរបាល
ទឹកល្អក់ទី៣ក៏បានជ្រុលទៅបុករថយន្តតាក់ស៊ីម៉ាកហ៊ីយ៉ាន់ដាយ ១គ្រឿង ពណ៌ខ្មៅពាក់ស្លាកលេខ AT14 2-0468 ក្នុងទិសដៅស្របគ្នារួចខ្ទាតទៅបុកជាមួយរថយន្តឡិចស៊ីស ១គ្រឿងទៀត ពណ៌ស្ករពាក់ស្លាកលេខ ភ្នំពេញ 2N-6002 ជិះ ១គ្រួសារបណ្តាលឲ្យបុរសជនរងគ្រោះដួលបោក
បាក់.កស្លាប់តែម្តង។ ក្រោយកើតហេតុសមត្ថកិច្ចជំនាញបានធ្វើការវាស់វែងនិងស្រាវជ្រាវទាក់ទងទៅក្រុមគ្រួសារឲ្យមកទទួលយកសពជនរងគ្រោះ ដើម្បីយកទៅធ្វើបុណ្យតាមប្រពៃណី៕ 
