ភ្នំពេញ ៖រថយន្តមិនស្គាល់ម៉ាកមួយគ្រឿងបោះពួយដូចហោះដល់ចំណុចផ្លូវបែកជាបួន មិនបន្ថយល្បឿនក៏បុកចំម៉ូតូមួយគ្រឿងពេញទំហឹងប៉ើងទាំងម៉ូតូទាំងមនុស្សជាង១០ម៉ែត្ររងរបួសធ្ងន់។ ប្រភពព័ត៌មានពីកន្លែងកើតហេតុបានឱ្យដឹងថា គេបានឃើញបុរសម្នាក់ជិះម៉ូតូម៉ាកគុបស៊េរី០១៣ ពណ៌ស ពាក់ស្លាកលេខ ភ្នំពេញ 1H-1202 ធ្វើដំណើរតាមផ្លូវលេខ១៨២ក្នុងទិសដៅពីកើតទៅលិច លុះមកដល់ចំណុចកែងផ្លូវ២១៩ស្រាប់តែមានរថយន្តពណ៌សមិនស្គាល់ម៉ាក១គ្រឿងដែល
ធ្វើដំណើរពីត្បូងទៅជើងបើកឆ្លងផ្លូវក្នុងល្បឿនលឿនដោយមិនបន្ថយល្បឿនឡើយបណ្តាលឲ្យបុកម៉ូតូចំពេញទំហឹងហោះប៉ើងទាំងមនុស្សទាំងម៉ូតូជាង១០ម៉ែត្ររងរបួសធ្ងន់ចំណែកម៉ូតូដាច់កង់មុខ ហើយខ្ទាតទៅ ទើជាប់តុដែលលក់មីឆាក្បែរនោះរីឯរថយន្តបង្កបានបន្ថែមល្បឿនបើក
រត់គេចបាត់ស្រមោល។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២និង១៥នាទីរំលងអាធ្រាត្រឈានចូលថ្ងៃទី១៣ខែកុម្ភៈឆ្នាំ២០១៤ត្រង់ចំណុចផ្លូវបែកជាបួន ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក។ក្រោយពេលកើតហេតុសមត្ថកិច្ចបានចុះមកដល់
កន្លែងកើតហេតុភ្លាមៗរួចបានទំនាក់ទំនងហៅរថយន្តសាមុយដឹកជនរងគ្រោះយកទៅសង្គ្រោះនៅគ្លីនិកឯកជនភ្លាមៗចំណែកម៉ូតូសមត្ថកិច្ចបានយកទៅរក្សាទុកនៅអធិការដ្ឋាននគរបាលខណ្ឌទួលគោករង់ចាំក្រុមគ្រួសារមកទទួលវិញ៕ 
