ភ្នំពេញ ៖ រថយន្តមួយគ្រឿង ម៉ាកពុយហ្ស៊ូ ពណ៌ត្រីអ៊ី១គ្រឿង ពាក់ស្លាកលេខ តាកែវ 3A-0502 ដែលបានដឹកត្រីរាប់តោនមកពីប្រទេសវៀតណាម ឆ្ពោះទៅគីឡូម៉ែត្រលេខ៩ខណៈមកដល់ចំណុចផ្លូវអូរដឹមកប់ស្រូវ មុខរោងចក្រស្បែកជើង ម៉េតហ្វតវែរ ដែលជាផ្លូវគេ កំពុងជួលជុលបណ្តាលឲ្យរថយន្តផ្អៀងមួយចំហៀង ក្រឡាប់ចាក់ត្រីពាសពេញផ្លូវកាលពីវេលាម៉ោង ២ និង ១០នាទីយប់រំលងអាធ្រាត្រឈានចូលថ្ងៃទី១៣ កុម្ភៈ ២០១៤ស្ថិតក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
ហេតុការណ៏ខាងលើនេះសមត្ថកិច្ចបានឲ្យដឹងថានៅមុនពេលកើតគឺរថយន្តខាងលើនេះបានធ្វើដំណើរតាមបណ្តោយផ្លូវ កប់ស្រូវ ក្នុងទិសដៅពីត្បូងទៅជើង ខណៈមកដល់ចំណុចកើតហេតុខាងលើ ក៏រថយន្តខាងលើនេះផ្អៀងមួយចំហៀងបណ្តាលឲ្យក្រឡាប់ ផ្ងារជើងមួយចំហៀងចាក់ត្រីពេញផ្លូវ សំណាងល្អដែលគ្រោះថា្នក់ខាងលើនេះមិនបណ្តាលឲ្យមានមនុស្សរងរបួស់ គឺគ្រាន់តែខូចខាត់ របស់ខ្លួនឯងតែប៉ុណ្ណោះ ។
សមត្ថកិច្ចបានឲ្យដឹងទៀតថាមូលហេតុដែលធ្វើឲ្យរថយន្តពុយហ្ស៊ូ ដែកដឹកត្រីរាប់តោននេះក្រឡាប់ មកពីផ្លូវកប់ស្រូវគេកំពុងជួសជុល ទើបបណ្តាលឲ្យរងថយន្តនេះផ្អៀងមួយចំហៀង ក្រឡាប់តែម្តង ។
ក្រោយកើតហេតុ ម្ចាស់រថយន្តដឹកត្រីបានហៅរថយន្តមកស្ទូចនិងរថយន្តផ្សេងទៀតមកសាងយកត្រីទៅដាក់នៅកន្លែងស្តុកនៅគីឡូម៉ែត្រលេខ៩វិញផងដែរ ៕ 
