ភ្នំពេញ ៖ រថយន្តមួយគ្រឿងម៉ាកការីគូទហើមពណ៌ទឹកប៊ិចពាក់ស្លាក់លេខ ភ្នំពេញ 2B -9420 ដែលបើកបរដោយបុរសជនជាតិស្បែកខ្មៅម្នាក់ បានបើកទៅបុករថយន្ត រថយន្តកូរ៉ូឡាមួយគ្រឿង ពណ៌ស ពាក់ស្លាកលេខ ភ្នំពេញ 2A 0162 ដែលកំពុងចត់ស្ងៀមនៅចិញ្ចើមផ្លូវត្រង់ចំណុចមុខហូលផេល កាមបូរឌីយ៉ាណា ក៏ត្រូវរថយន្តការីគូទហើមខាងលើបុកពីក្រោយយ៉ាងពេញហើយរថយន្តបង្កនេះបានព្យាយាមបើកគេចពីកន្លែកកើតហេតុ មកដល់ចំណុចផ្លូវព្រះសុធារស់ក្នុងសង្កាត់ទន្លេបាសាក់ ក៏ត្រូវបានម្ចាស់រថយន្តរងគ្រោះដេញតាមទាន់តែម្តង ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ២និង ៥០នាទី យប់ឈានចូលថ្ងៃទី១៤៣ ខែកុម្ភៈ ឆ្នាំ ២០១៤ ស្ថិតក្នុងសង្កាត់ ចតុមុខ ខណ្ឌដូនពេញ ។
ក្រោយកើតហេតុសមត្ថកិច្ច បានចុះវាស់វែងនៅកន្លែងកើតហេតុនិងអូសយករថយន្តទាំងពីរគ្រឿងយកទៅរក្សទុកនៅរិយាល័យចរាចរណ៍ផ្លូវគោករាជធានី ភ្នំពេញ ដើម្បីធ្វើការដោះស្រាយគ្នាទៅតាមច្បាប់៕ 
