ខេត្តកំពង់ឆ្នាំង៖ ការប្រកួតកីឡាមហាជនពានរង្វាន់៧មករាទូទាំងខេត្តកំពង់ឆ្នាំង បានប្រព្រឹត្តទៅអស់រយៈពេល១ខែ១៥ថ្ងៃតាមគំរោង ហើយនៅរសៀលថ្ងៃទី០៥ ខែមករា ឆ្នាំ២០១៦នេះ នៅក្នុងទីលានកីឡាមុខសាលាខេត្តកំពង់ឆ្នាំង មន្ទីរអប់រំយុវជននិងកីឡាខេត្ត បានប្រារព្ធធ្វើពិធីបិតការប្រកួតកីឡាមហាជនក្រោមអធិបតីភាព ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងមានការអញ្ជើញចូលរួមពីលោក លោកស្រី ប្រធានអង្គភាពជុំវិញខេត្តនិងក្រុមកីឡាមហាជនទាំង១៦ក្រុម ដែលត្រូវធ្វើប្រកាសលទ្ធផលនៃការប្រកួត។
គណៈកម្មការរៀបចំការប្រកួតបានអោយដឹងថា៖ការរៀបចំការប្រកួតកីឡាបាល់ទាត់បាល់ទាត់មហាជនពានរង្វាន់៧មករាឆ្នាំ២០១៦រយៈពេល១ខែ១៥ថៃ្ងទទួលលទ្ធផលល្អ ក្នុងការប្រកួត គឺមានការចូលរួមសហការពីអាជ្ញាធរ និងសមត្ថកិច្ចក្រុងកំពង់ឆ្នាំង និងស្រុកកំពង់ត្រឡាចបានរក្សាសណ្តាប់ធ្នាប់ សន្តិសុខ របៀបរយបានយ៉ាងល្អប្រសើរ។ទទ្ទឹមនោះដែរក៏មានការគាំទ្រជួយឧបត្ថម្ភជាថវិកា និងសម្ភារៈ ពីឯកឧត្តម ឈួរ ច័ន្ទឌឿន អភិ បាលខេត្តកំពង់ឆ្នាំង និងលោកឧកញ៉ា លី ម៉ាន ផងដែរ។
គណៈកម្មការរៀបចំការប្រកួត និងក្រុមកីឡាករទាំង១៦ក្រុមសូមថ្លែងអំណរគុណយ៉ាងងជ្រាលជ្រៅដ ល់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោកឧកញ៉ា លី ម៉ាន សូមអោយឯកឧត្តម និងលោកឧកញ៉ា មានសេចក្តីសុខ និងទទួលបានជ័យជំនះគ្រប់ភារកិច្ច និងក្នុងមុខរបរកទទួលទាន។
គណៈកម្មការរៀបចំការប្រកួតបានបញ្ជាក់ថាក្រុមទទួលបានលេខ១គឺក្រុមរាជសីហ៍ក្រសះថ្មី ឃុំឈូកសស្រុកំពង់ត្រឡាច ,លេខ២គឺក្រុមកំពូលអ្នកប្រយុទ្ធ មកពីភូមិទួលឃុំឈូកស ,លេខ
៣គឺក្រុមយុវជនក្រសះថ្មីឃុំឈូកស និងក្រុមលេខ៤គឺក្រុមវ័យចាស់ចក្ររមៀតឃុំឈូកសស្រុកកំពង់ត្រឡាច។
ឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំង បានថ្លែងការកោតសរសើរយ៉ាងខ្លាំងចំពោះមន្ទីរអប់រំខេត្ត អាជ្ញាធរដែនដី គណៈកម្មការរៀបចំការប្រកួត និងសមត្ថកិច្ចគ្រប់ជាន់ថ្នាក់ដែលបានគាំទ្រ និងសហការការពារបានល្អក្នុងការប្រកួតកីឡាបាល់ទាត់មហាជនពានរង្វាន់៧មករាឆ្នាំ២០១៦ ដែរមានរយៈពេលប្រកួតជ១ខែ១៥ថៃ្ងកន្លងមក ដោយទទួលបានលទ្ធផលដ៏ល្អប្រសើរនៅក្នុងពេលនេះ។ក្នុងនោះដែរឯកឧត្តមអភិបាលខេត្តក៏បានកោតសរសើរផងដែរ ដល់ក្រុមកីឡាករ និងអ្នកគ្រប់គ្រងក្រុមកីឡាករទាំង១៦ក្រុម ដែលបានយកចិត្តទុកដាក់ដឹកនាំ គ្រប់គ្រង កីឡាកររបស់ខ្លួនបានល្អ រហូតពីដើមដល់ចប់នៅក្នុងថ្ងៃនេះ។
ឯកឧត្តមអភិបាលខេត្ត ក៏បានស្នើសុំសប្បុរសជន អាជី វករដែលគាំទ្រវិស័យកីឡា សុំបន្តជួយគាំទ្រជាបន្តទៀតតាមគ្រប់រូបភាព ដើម្បីលើកស្ទួយវិស័យកីឡាខេត្តកំពង់ឆ្នាំងអោយមានការរីកចំរើនជឿនលឿន និងមានឈ្មោះបោះសម្លេងក្នុងប្រទេសទៅអនាគត។
នៅក្នុងពិធីនេះ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោកឧកញ៉ា លី ម៉ាន បានប្រគល់ពានរង្វាន់ដល់ក្រុមលេខ១ទទួលបានពាន១ ទង់១ បាល់ទាល់៥ និងថវិកា១លានរៀល ,ក្រុមលេខ២ទទួលបានទង់១ បាល់៥ និងថវិកា៧០ម៉ឺនរៀល ,ក្រុមលេខ៣ទទួលបានទង់១ បាល់៥ និងថវិកា៥០ម៉ឺនរៀល ,ក្រុមលេខ៤ទទួលបានទង់១ បាល់៥ និងថវិកា២០ម៉ឺនរៀល និង១២ក្រុមមិនបានជាប់ចំណាត់ថ្នាក់ក្នុងមួយក្រុមៗទទួលបានបាល់៥ ហើយឯកឧត្តម និងលោកឧកញ៉ា ក៏បានឧបត្ថម្ភថវិកា២លានរៀល លើកទឹកចិត្តដល់ក្រុមបាល់ទាត់នារីអាយុក្រោម១៤ឆ្នាំនៅក្រុងកំពង់ឆ្នាំងផងដែរ៕
