បាត់ដំបងៈ តារាភាពយន្ត ហូលីវូដ លោកស្រី អេនចូលីណាប៉ុន្មានថ្ងៃមុន.ចាប់ផ្តើមក្នុងការថតខ្សែភាពយន្តលំដាប់អន្តរជាតិនៅខេត្តបាត់ដែលគ្រោងចាប់ផ្តើមថត ចាប់ពីថ្ងៃទី០៧កុម្ភៈ២០១៦តទៅ នៅក្នុងទីប្រជុំជនមួយចំនួន របស់ ខេត្តបាត់ដំបងជាពិសេស គឺអាគារ នៃ ការិយាល័យ សិល្បៈ របស់ មន្ទីរវប្បធម៌និងវិចិត្រសិ ល្បៈខេត្តបាត់ដំបង ត្រូវបានក្រុមផលិ តខ្សែភាពយន្តហូលីវូដ របស់ អ្នកស្រី អេនចូលីណា ជ្រើសរើស ធ្វើជាកន្លែង ស្ទូដយោ(Studio)ដ៏សំខាន់ក្នុងការថត និង ផលិតខ្សែភាពយន្តនេះ។
ជាពិសេស ចំណុចផ្លូវលេខ២(ម្តុំរោង មហោស្រពប្រាសាទមាស – សាលា បឋមសិក្សា២ធ្នូ…)និងផ្លូវខ្វែងបែកជាបួន នៅទល់មុខអាគារការិយាល័យ សិល្បៈខេត្តបាត់ដំបងតែម្តង ដែលជា
ផ្នែកសំខាន់ ក្នុងការថតនិងផលិតខ្សែភាពយន្តរបស់តារាហូលីវូត អេនចូលីណា។ប្រជាពលរដ្ឋក្នុងខេត្តបាត់ដំបង ជាពិសេសអ្នករស់នៅក្នុងទីក្រុងបាត់ដំបងស្ថិតនៅក្នុងសង្កាត់ស្វាយប៉ោបាននាំជ្រួលច្របល់ចង់ឃើញនិងចង់មើលពីការរៀបចំតុបតែងឈុតឆាកក្នុងការថតនិងតួសម្តែងរបស់ក្រុមតារាហូលីតែម្តង។ឧបករណ៍តុបតែងឈុតឆាកថតរថយន្តគ្រប់ម៉ាក ដែលសុទ្ធសឹងជាប្រភេទរថយន្តស៊េរីចាស់ៗ ក្នុងសម័យ កាលចន្លោះឆ្នាំ១៩៦០-១៩៧០និងម៉ូតូជាច្រើនគ្រឿង ក៏ត្រូវបានជ្រើសរើ ស យកមកថតផងដែរ។
សូមបញ្ជាក់ថា៖កន្លងមកខេត្តបាត់ដំបង ត្រូវបានក្រុមផលិតខ្សែភាពយន្តបរទេសមួយចំនួនយកទីក្រុងនៃខេត្តបាត់ដំបងដើម្បីថតខ្សែភាពយន្តខ្នាតវែងរបស់ផលិតកម្មភាពយន្តបារាំង*រឿងទ្វាររបង*ដែលបានបង្ហាញនិងលាតត្រដាងពីសម័យកាលជំនាន់បារាំងសែសនិងសម័យកាលបន្តបន្ទាប់… រហូតមកដល់សម័យកាលបច្ចុប្បន្ន នាយុគសម័យដែលទទួលបាននួវសុខសន្តិភាពនិងការអភិវឌ្ឍន៍ក្រោមការដឹកនាំរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជានិងទទួលបាន នូវ ការគាំទ្រពីសំណាក់ ទស្សនិកជននៅលើឆាកអន្តរជាតិផងដែរ។
កន្លងទៅនេះតាមរយៈក្រុមការងារថតខ្សែភាពយន្តដែលបានជួបសម្តែងការគួរសម ជាមួយ ឯ.ឧ ច័ន្ទ សុផល អភិបាល ខេត្តបាត់ដំបង បានឲ្យដឹង ថា៖ការថតនេះមានរយៈពេលពេល១សប្តាហ៍ចាប់ពីថ្ងៃទី០៨ដល់ទី១៣ខែ កុម្ភៈ២០១៦។តាមរយៈការរៀបចំនិងតុបតែងឈុតឆាកក្នុងការថតនេះ គឺទី ក្រុងបាត់ដំបង ត្រូវបានគេរៀបចំជាទី ក្រុងភ្នំពេញ,រោងកុនលុច្ស,ក្រសួងសុខាភិបាល,ហាងលក់ទំនិញនិងជីវភាពរស់នៅរបស់ប្រជាពលរដ្ឋ.នាអំឡុង ឆ្នាំ១៩៦០ និងឆ្នាំ១៩៧០…។
ប្រភពមួយចំនួនបានអះអាងថា៖ក្នុងការថតខ្សែភាពយន្តនេះគឺមានប្រជាពលរដ្ឋក្នុងខេត្តបាត់ដំបងប្រមាណជា១ពាន់នាក់ចូលរួមសម្តែងថតនិងកងកម្លាំងយោធពលខេមរភូមិន្ទ ក្នុងខេត្ត ចូលរួមសម្តែងថតផងដែរ។ហើយខ្សែភាពយន្តខ្នាតវែងអន្តរជាតិលំដាប់ពិភពលោកដែលកំពុងតែចាប់ដំណើរការថតតាំងពីថ្ងៃទី៦ខែកុម្ភៈមកនេះ មាន ចំណងជើង រឿង! (** ដំបូងបង្អស់… សម្លាប់ឪពុកខ្ញុំ*)។ហើយនេះក៏ជាខ្សែភាពយន្តខ្នាតវែងលំដាប់អន្តរជាតិលើកទី២ ដែលបានជ្រើសរើសយកខេត្ត បាត់ដំបងដើម្បីថតផងដែរ។ បន្ទាប់ពី ខ្សែភាពយន្តខ្នាតវែងរបស់ផលិតកម្មបារាំងមួយ ដែលបានថតក្នុងឆ្នាំ២០ ១៤កន្លងទៅ រឿង ** ទ្វាររបង **។
លោក សៀងឯម វូនស្ហ៊ី អភិបាលក្រុងបាត់ដំបង បានផ្តោតនូវចំណាប់អារម្មនិងបង្ហាញពីទស្សនៈមួយចំនួនក្នុងនាមរដ្ឋបាលក្រុងបាត់ដំបងថា៖(**ឃ្លីបសំឡេងផ្ទាល់របស់លោកអភិបាលក្រុងបាត់ដំបងផ្ទាល់**)។
