ការកំណត់ពេលវេលា ក្នុងការដេកមួយស្របក់ ពិតជាមានសារៈសំខាន់ណាស់ ចំពោះសុខភាពរបស់អ្នក ប៉ុន្តែពេលខ្លះដោយសារភាពរវល់ច្រើន ជាមួយនឹងការងារ ឬការរៀនសូត្រ អាចនឹងធ្វើឲ្យអ្នកពុំមានពេលវេលាគ្រប់គ្រាន់ ដើម្បីដេកមួយល្បក់នោះទេ។
តើអ្នកដឹងទេថា ការដេកមួយស្របក់ អាចផ្ដល់ផលប្រយោជន៍អ្វីខ្លះចំពោះអ្នក?
០១) បង្កើនការចងចាំ
ការមានទម្លាប់ដេកមួយស្របក់ អាចធ្វើឲ្យមុខងាររបស់ខួលក្បាលមានភាពប្រសើរទ្បើង ដែលជួយជំនួយដល់ការចងចាំរបស់អ្នកបានល្អ។
០២) អារម្មណ៍ស្រស់ថ្លា
តាមការសិក្សាបានឲ្យដឹងថា ៣៥ ភាគរយទៅហើយនៃមនុស្សពេញវ័យ មានដំណេកតិចជាង ៧ ម៉ោងក្នុងមួយថ្ងៃ ដែលកត្តាទាំងនេះ អាចធ្វើឲ្យពួកគេថយចុះផ្នែកសតិសម្បជញ្ញៈ និងមានអារម្មណ៍តប់ប្រមល់។ ការសិក្សាដដែរក៏បានឲ្យដឹងទៀតថា ការគេងមួយស្របក់ អាចជួយឲ្យអ្នកជៀសផុតពីបញ្ហាខាងលើ និងទទួលបានអារម្មណ៍ស្រស់ថ្លា។
០៣. បង្កើនផលិតភាព
ការសិក្សាជាច្រើន បានឲ្យដឹងបន្ថែមទៀតថា ការចំណាយពេលត្រឹមតែ ១០ ទៅ ៣០ នាទីជារៀងរាល់ថ្ងៃ ដើម្បីគេងមួយស្របក់ អាចជួយធ្វើឲ្យអ្នកមានទំនុកចិត្ត និងបង្កើនផលិតភាពខ្ពស់ ក្នុងការធ្វើការងារ៕
ផ្ដល់សិទ្ធិដោយ៖ ហាស ហាស ហា