សារព័ត៌មាន The Independent បានអះអាងថា កីឡាករខ្សែការពារ John Terry (ចន ធើរី) ទំនងជាមិនត្រូវបានគ្រូបង្វឹកអង់គ្លេស Roy Hodgson (រយ ហុតសុន) កោះហៅសម្រាប់ក្រុមជម្រើសជាតិនោះទេគឺការប្រកួតក្នុងលក្ខណៈមិត្តភាពជាមួយប្រទេសដាណឺម៉ាកនៅថ្ងៃទី ៥ ខែមិនាខាងមុខ ។ ខ្សែការពារកណ្តាលរូបនេះបានបង្ហាញពីទម្រង់លេងយ៉ាងល្អសម្រាប់ក្លិបតោខៀវ Chelsea ហើយមានបណ្តាញផ្សព្វផ្សាយជាច្រើនបានលើកឡើងថា រូបគេអាចនឹងត្រូវបានកោះហៅចូលក្រុមជម្រើសជាតិសម្រាប់ការប្រកួតពានរង្វាន់ពិភពលោក World Cup ឆ្នាំ២០១៤នៅប្រទេសប្រេស៊ីល ។
ទោះបីជាយ៉ាងណាក៏ដោយ ប្រភពព័ត៌មានខាងលើបានបញ្ជាក់ថា លោក Hodgson កំពុងតែតាមដានមើលពីទម្រង់លេងរបស់ John Terry ជាបន្ត ។ គួរបញ្ជាក់ថា Terry បង្ហាញខ្លួនឲ្យតោកំណាចអង់គ្លេសបានចំនួន ៧៨ លើកហើយប៉ុន្តែរូបគេមិនបានចូលលេងសោះចាប់តាំងពីខែកញ្ញាឆ្នាំ ២០១២ មក ៕
