កំពង់ធំៈ ស្ត្រីមេម៉ាយ ចិញ្ចឹមកូន៣នាក់ ក្នុងខ្ទមធ្លុះធ្លាយ ក្រោយពីបានយកចិត្តទុកដាក់ ពីសំណាក់ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជការតំបន់ប្រតិបត្តិការសឹករងកំពង់ធំ បានចុះជួបផ្ទាល់គ្រួសារស្រ្តីកំសត់នេះ ដោយបានឃើញពីស្ថានភាពក្រលំបាកពិតប្រាកដ ក៏បានអំពាវនាវ ដល់សម្បរសជនជិតឆ្ងាយ ដែលមានចិត្តមេត្តាធម៌ ចំពោះគ្រួសារស្រ្តីមេម៉ាយនេះ ក៏បានជួយសាងសង់ ផ្ទះមួយខ្នងនិងបានប្រគល់ជូន រួមទាំងសម្ភារៈប្រើប្រាស់មួយចំនួនទៀតផង ។
ពិធីប្រគល់ផ្ទះជូនដល់គ្រួសារក្រក្សត់នេះ ត្រូវបានធ្វើឡើងនៅរសៀលថ្ងៃទី១៩ ខែមិថុនា ឆ្នាំ ២០១៨ ក្រោម អធិបតីភាព ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ អាជ្ញាធរ ប្រជាពលរដ្ឋ ចូលរួមសម្តែងនូវសេចក្តីត្រេតអរ ជំនួយគ្រួសារក្រក្សត់នេះ ដោយមួយជីវិតគ្រួសារនេះរស់នៅយ៉ាងសែន វេទនាក្រោមជម្រកធ្លុះធ្លាយ ស្ថិតនៅ ភូមិកំពង់គោ ឃុំកំពង់គោ ស្រុកកំពង់ស្វាយ ខេត្តកំពង់ធំ។
ផ្ទះថ្មីដែលបានសាងសង់រួច ប្រគល់ជូនស្រ្តីមេម៉ាយ ដែលមានទំហំ៤មx៥ម ដែលបានចំណាយថវិកាក្នុងការសាងសង់អស់ទឹកប្រាក់ចំនួន២,៥៦០,០០០រៀល ដែលថវិការក្នុងការសាងសង់នេះ បានមកពីសម្បុរសជន ១-ឧត្តមសេនីយ៍ទោ គីម សុផារុន និងលោកជំទាវ ថវិកា ១លានរៀលទី ២-ឧត្តមសេនីយ៍ទោ គន់ រ័ត្នមុន្នី និងលោកជំទាវ ថវិកា ៥០ម៉ឺនរៀល ទី ៣- ឧត្តមសេនីយ៍ទោ គង់ កន្នារិទ្ធ ថវិកា ៥០ម៉ឺនរៀល ទី ៤- លោក យន់ សុគន្ធ និង លោកស្រី ថវិកា ៤០ម៉ឺនរៀល ទី ៥- លោកស្រី គីម ច័ន្ទសុលីណា និង ស្វាមី ថវិកា ២០ម៉ឺន ទី៦ ៦- លោកវរសេនីយ៍ឯក អ៊ីម ច័ន្ទសុភត្រានិង លោកស្រី ថវិកា ២០ម៉ឺនរៀល សរុបចំនួន២.៨០០.០០០រៀល ។
នៅក្នុងពិធីប្រគល់ផ្ទះថ្មីជូនដល់ស្រ្តីមេម៉ាយ ដែលមានមុខរបរដើរស៊ីឈ្នួល លាងចាន និងបោកខោអាវ អោយគេតាមភូមិ ដើម្បីដូរនឹងប្រាក់បន្តិចបន្តួច យកមកចិញ្ចឹមកូន៣នាក់នេះ ក្រុមការងារបានឧបត្ថម្ភជូនគាត់បន្ថែមទៀតនូវកង់ជិះចំនួន១ តម្លៃ១៥០,០០០រៀល រួមនិងសម្លៀកបំពាក់សិស្ស ចំនួន៣កំប្លេរ សារ៉ុងចំនួន២ កន្ទេល មុងភួយ ចានឆ្នាំង ស្លាបព្រា ធុងទឹក សម្ភារៈផ្សេងៗមួយចំនួនទៀត និងថវិកាចំនួន ១៥០,០០០រៀល ។
ឯកឧត្តម ឧត្តមសេនីយ៍ទោ សោម ស៊ុន និងសហការី រួមជាមួយអាជ្ញាធរដែនដី និងប្រជាពលរដ្ឋភូមិកំពង់គោ ឃុំកំពង់គោ សូមគោរពថ្លែងអំណរគុណយ៉ាងជ្រាលជ្រៅបំផុតចំពោះសប្បុរសជនដែលមានបញ្ជីរាយនាមដូចខាងលើនេះ ដែលបានចូលរួមថវិកាក្នុងការសាងសង់ សូមគោរពជូនពរ ឯកឧត្តម លោកជំទាវ សូមបានជួបប្រទះតែសេចក្ដីសុខ សេចក្តីចម្រើន និងជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខ: និងពល: កុំបីឃ្លៀងឃ្លាតឡើយ ។
ដោយ ប៊ុន រដ្ឋា