ការដាក់ទណ្ឌកម្មសេដ្ឋកិច្ចដែលសហ គមន៍អឺរ៉ុបបានអនុម័តទៅលើប្រទេស រុស្ស៊ី ដោយចាត់ទុកថា រុស្ស៊ីមានជាប់ ពាក់ព័ន្ធនឹងវិបត្ដិក្នុងប្រទេសអ៊ុយក្រែន ការដាក់ទណ្ឌកម្មបានអនុវត្ដរយៈពេល ជាងកន្លះឆ្នាំកន្លងមក ដោយធ្វើឱ្យភាគី ទាំងសងខាងរងផលប៉ះពាល់ដូចគ្នា។ នៅ ថ្ងៃទី៣០ ខែកញ្ញា សហគមន៍អឺរ៉ុបនឹង ជួបប្រជុំគ្នានៅប្រទេសប៊ែលហ្ស៊ិក ស្ដីពី ការលប់ចោលទណ្ឌកម្មរុស្ស៊ីនាខែតុលា ខាងមុខ ។
អគ្គរដ្ឋទូតប្រទេសជាសមាជិកសហ គមន៍អឺរ៉ុបទាំង២៨ បានជួបពិភាក្សាគ្នា នៅថ្ងៃទី៣០ ខែកញ្ញា វាយតម្លៃពីការ អនុវត្ដកិច្ចព្រមព្រៀងឈប់បាញ់នៅក្នុង ប្រទេសអ៊ុយក្រែន ហើយត្រួតពិនិត្យលប់ ចោលការដាក់ទណ្ឌកម្មដល់ប្រទេសរុស្ស៊ី ផងដែរ ។
ក្រោយជំនួបប្រជុំវាយតម្លៃ រដ្ឋទូត ប្រទេសសហគមន៍អឺរ៉ុបនឹងដាក់សំណើ ទៅកាន់គណៈកម្មាធិការសហគមន៍អឺរ៉ុប ទទួលបន្ទុកកិច្ចការបរទេសដើម្បីលប់ ចោលការដាក់ទណ្ឌកម្មដល់រុស្ស៊ី។ បន្ទាប់ មក សហគមន៍អឺរ៉ុបនឹងជួបពិភាក្សា លប់ចោលទណ្ឌកម្មនៅខែតុលាខាងមុខ នេះ ។
បណ្ដាប្រទេសលោកខាងលិចបាន អនុម័តដាក់ទណ្ឌកម្មរុស្ស៊ីនៅខែមីនា ឆ្នាំ ២០១៤ ក្រោយព្រឹត្ដិការណ៍តំបន់ស្វយ័ត គ្រីមៀរបស់អ៊ុយក្រែន ត្រូវកាត់ផ្ដាច់ ចេញពីអ៊ុយក្រែន ហើយដាក់បញ្ចូលជា មួយរុស្ស៊ី ។ បន្ទាប់មក អឺរ៉ុបក៏បានអនុ ម័តដាក់ទណ្ឌកម្មបន្ថែមនៅដើមខែកញ្ញា ២០១៤ ទៅលើក្រុមហ៊ុន១៤៣ក្រុមហ៊ុន និងឯកជន៤២០នាក់ ។ នៅពាក់កណ្ដាល ខែកញ្ញា សហគមន៍អឺរ៉ុបមក៏បានអនុម័ត ដាក់ទណ្ឌកម្មទៅលើធនាគាររុស្ស៊ី និង ក្រុមហ៊ុនមួយចំនួនទៀតផង ។
ប៉ុន្ដែបណ្ដាប្រទេសសហគមន៍អឺរ៉ុប មួយចំនួនមានអារម្មណ៍មិនសប្បាយ នោះឡើយ ដោយការដាក់ទណ្ឌកម្មនោះ បានធ្វើឱ្យវិស័យផលិតក្នុងប្រទេសមួយ ចំនួននៅអឺរ៉ុបរងផលប៉ះពាល់ដោយមិន អាចនាំចេញទៅកាន់ប្រទេសរុស្ស៊ីដូច កាលពីមុន ធ្វើឱ្យសេដ្ឋកិច្ចនិងប្រជាពល រដ្ឋរងផលប៉ះពាល់យ៉ាងខ្លាំង ។ រុស្ស៊ីជា ទីផ្សារដ៏សំខាន់មួយសម្រាប់ផលិតផល កសិកម្មនាំចូលពីតំបន់អឺរ៉ុបនិងអាមេ រិកផងដែរ ។
