ខេត្តព្រះស៊ីហនុ ក្រុមអាជីវកររកស៊ីលក់ស៊ីមកាតទូរស័ព្ទក្នុងខេត្តព្រះសីហនុ ខេត្តព្រះសីហនុ៖ក្រុមការងារមន្ត្រីជំនាញនែមន្ទីរប្រៃសណីយ៏និងទូរគមនាគមន៏ខេត្តព្រះសីហនុសហការជាមួយស្នងការនគរបាលខេត្តព្រះសីហនុនៅព្រឹកថ្ងៃទី០៥ខែមិថុនាឆ្នាំ២០១៤នេះបានចុះទៅធ្វើការផ្សព្វផ្សាយនៅសេចក្តីណែនាំលេខ១១០ប.ទចុះថ្ងៃទី១៩ខែឧសភាឆ្នាំ២០១៤របស់ក្រសួងប្រៃសណីយ៏និងទូរគមនាគមន៏ស្តីពីការលក់-ចែកចាយស៊ីមកាតគ្រប់ប្រព័ន្ឋទៅដល់ក្រុមអាជីវករ រកស៊ីលក់ស៊ិមកាតទូរសព្ទ័ក្នុងផ្សារលើក្រុងព្រះសីហនុ។
លោក យស់ សុធា ប្រធានមន្ទីរប្រៃសណីយ៏ និង ទូរគមនាគមន៏ បានអោយដឹងថា គោលបំណងនៃការចុះផ្សព្វផ្សាយ សេចក្តីណែនាំរបស់ក្រសួងប្រៃសណីយ៏ និង ទូរគមនាគមន៏ នាពេលនេះ គឺដើម្បីអោយប្រតិបត្តិការទូរគមនាគមន៏ អាជីវករ សាខាលក់ និង អ្នកចែកចាយបន្ត នូវស៊ីមកាតគ្រប់ប្រព័ន្ឋ នៅក្នុងខេត្តព្រះសីហនុ យកចិត្តដាក់អនុវត្តអោយបានម៉ឺងម៉ាត់ និង ខ្ជាប់ខ្ជួន នៅពេលលក់ស៊ីមកាតទូរស័ព្ទឲ្យអតិថិជន ត្រូវតែបំពេញសំណុំបែបបទអោយបានត្រឹមត្រូវដើម្បី
ចូលរួមចំណែកក្នុងការទប់ស្កាត់បទល្មើសផ្សេងៗដូចជា ការចាប់ជំរិតទារប្រាក់ ការឆបោកតាមទូរស័ព្ទ ការជួញដូរគ្រឿងញៀន ការជួញដូរមនុស្ស និង ឧក្រិដ្ឋកម្មឆ្លងដែន ។ល។។
ដោយអាជីវករលក់ស៊ីមទូរសព្ទ័គ្រប់ប្រពន្ធ័ទាំងអស់ត្រូវអនវត្តន៍ឲ្យបានរូមមានទី១.ប្រជាពលរដ្ឋទូទៅត្រូវមានអត្តសញ្ញាណប័ណ្ណសញ្ជាតិខ្មែរ ដែលមានសុពលភាពទី២មន្ត្រីរាជការគ្រប់ប្រភេទត្រូវប្រើប្រាស់លិខិតសម្គាល់ខ្លួនចេញដោយក្រសួង ស្ថាប័ន និង អង្គភាពសាមី ឬ អត្តសញ្ញាណប័ណ្ណសញ្ជាតិខ្មែរ ដែលមានសុពលភាព ទី៣ព្រះសង្ឃ ត្រូវប្រើសង្ឃដីកាទី៤.អនីតិជន ចាំបាច់ត្រូវឲ្យឪពុក ម្តាយ ឬ អាណាព្យាបាល ជាអ្នកទិញឲ្យប្រើប្រាស់ ។ .
ចំពោះជនបរទេសជារូបវ័ន្តបុគ្គលទាំងពីរភេទ ដែលមានបំណងទិញស៊ីមកាតទូរស័ព្ទ ត្រូវប្រើប្រាស់លិខិតឆ្លងដែន ភ្ជាប់ដោយទិដ្ឋាការស្នាក់នៅមានសុពលភាព ។ .ក្នុងករណីប្រតិបត្តិករទូរគមនាកមន៏ សាខាលក់ ឬ អ្នកចែកចាយបន្តណាមួយមិនព្រមសហការអនុវត្តតាមសេចក្តីណែនាំនេះ ហើយជាដើមហេតុបង្កឲ្យមាន បទល្មើសផ្សេងៗ ក្រសួងប្រៃសណីយ៏ និង ទូរគមនាគមន៏ នឹងចាត់វិធានការដកហូតអាជ្ញាប័ណ្ណអាជីវកម្ម ឬ ផ្អាកការធ្វើអាជីវកម្ម និង សហការជាមួយក្រសួងមហាផ្ទៃ កសាងសំណុំរឿងបញ្ជូនទៅតុលាការ ដើម្បីចាត់វិធានការតាមនីតិវិធីច្បាប់ ជាធរមាន ។
.ក្នុងឱកាសនោះផងដែរ លោកយស់សុធាប្រធាន មន្ទីរប្រៃសណីយ៏ និង ទូរគមនាគមន៏ ខេត្តព្រះសីហនុ ក៏បានសំណូមពរផងដែរឲ្យប្រតិបត្តិករ ទូរគមនាគមន៏ អាជីវករ សាខាលក់ និង អ្នកចែកចាយបន្តនូវស៊ីមកាត គ្រប់ប្រព័ន្ឋទាំងអស់ នៅក្នុងខេត្តព្រះសីហនុ អនុវត្តឲ្យបានតាមសេចក្តីណែនាំ របស់ ក្រសួងប្រៃសណីយ៏ និង ទូរគមនាគមន៏ ចាប់ពីពេលនេះតទៅ ៕
