ស្ទឹងត្រែង៖ប៉ុន្មានឆ្នាំចុងក្រោយនេះ ប្រជាពលរដ្ឋមានការនិយមបន្លែគ្មានថ្នាំគីមីគឺជាបន្លែកំពុងពេញនិយម ឱ្យកសិករគិតឡើងវិញ ដ្បិតអ្នកបរិភោគ បានចាប់ផ្តើមគិតអំពីសុខភាពរស់នៅ ក្នុងពេលដែលនៅលើទីផ្សាអាជីវករបានដាក់តាំងលក់បន្លែរនាំចូលពីប្រទេសជិតខាងនោះច្រើន
ជាងបន្លែរក្នុងស្រុក។
លោកស្រីសែមចន្ថាអ្នកលក់បន្លែរបាននិយាយថា៖បន្លែរក្នុងស្រុកសព្វថ្ងៃផ្គត់ផ្គង់ដល់អ្នកបរិភោគមិនគ្រប់គ្រាន់ទេតំរូវឲ្យអាជីវករមួយចំនួនទិញបន្លែរនាំចូលពីប្រទេសជិតខាងមកលក់បន្ថែមដើម្បីចំណុះឲ្យបន្លែដាំដុះដោយជីធម្មជាតិ នៅក្នុងស្រុក។
លោកស្រីបន្តថាបន្លែក្នុងស្រុកសព្វនៅមានបរិមាណតិចតួចមិនអាចតម្រូវទីផ្សារគ្រប់គ្រាន់នោះទេ ព្រោះអ្នកបរិភោគសព្វថ្ងៃ ចូលចិត្តបន្លែក្នុងស្រុក ជាងបន្លែនាំចូលពីប្រទេសជិតខាង ដោយសារបន្លែក្នុងស្រុក ដាំដោយជីធម្មជាតិ មិនប៉ះពាល់ដល់សុខភាព ហើយការលក់ដូរងាយស្រួល មិនពិបាកឡើយ។នៅក្នុងពេលដែលអ្នកបរិភោគគិតពីសុខភាព ទីផ្សារមិនមានបន្លែគ្រប់គ្រាន់ កសិករគួបង្កើនការដាំដុះបន្ថែមទៀត តម្រូវទីផ្សារ និងទទួលបាននៅកម្រៃ ដើម្បីដោះស្រាយជីភាពក្នុងគ្រួសារ ឱ្យកាន់តែប្រសើរជាងនេះ។
លោកពិសិដ្ឋប្រធានប្រមូលពន្ធនៅក្នុងផ្សាស្ទឹងត្រែងបានទទួលស្គាល់ថាៈបច្ចុប្បន្ននេះ អ្នកបរិភោគមានការនិយមបន្លែគ្មានថ្នាំគីមីឡើងវិញ ដ្បិតពួកគាត់ បានចាប់ផ្តើមគិតអំពីសុខភាពដោយសារមានបន្លែ នាំចូលពីប្រទេសជិតខាងក្នុងមួយថ្ងៃមិនតិចជាង២ឬ៣ឡានតូរិះនោះទេ។ហើយបន្លែរទាំងនេះអាចមួយភាគប៉ះពាល់ដល់ផ្នែកសុខភាពទើបប្រជាពលរដ្ឋគាត់ងាកមកបរិភោគបន្លែក្នុងស្រុកវិញដូចជាត្រយោងចេក ក្រអៅឈូក ត្រប់ ស្លឹកបាស ត្រគួន ល្ពៅ ប្រលិត ពោត ននោងជាដើម។ល។
លោកបន្ថែមថា៖ ការនិយមទទួលទានបន្លែគ្មានជាតិគីមី ឬបន្លែសរីរាង្គនេះ បានធ្វើឲ្យទីផ្សារបន្លែធម្មជាតិ មានការរីកចំរើនហើយការនិយមបន្លែសរីរាង្គបានទាក់ទាញ កសិករឲ្យងាក មកផលិតបន្លែសរីរាង្គវិញ ដើម្បីផ្គត់ផ្គង់ទីផ្សារ ដោយសារតែពួកលោកបានទទួលកំរៃខ្ពស់ សំរាប់ដោះស្រាយជីវភាពរស់នៅគួបផ្សំនឹងស្ថិរភាពទីផ្សារ។
សូមបញ្ជាក់ថា៖បន្លែរដែលកសិករដាំដុះនៅតាមមូលដ្ឋានក្នុងខេត្តស្ទឹងត្រែងយកមកផ្គត់ផ្គង់លក់ជូនប្រជាពលរដ្ឋក្នុងខេត្តមិនគ្រប់គ្រាន់ទើបមានការនាំបន្លែចូលពីខេត្តនានានិងប្រទេសជិតខាងនិងធ្វើឲ្យទីផ្សាបន្លែរមានតំលៃខ្ពស់៕
