ខេត្តបន្ទាយមាបជ័យ បុរស់ម្នាក់សាច់ឈាមស្បែកសទំនងជាកូនកាត់ចិនហើយបានអួតក្តែងៗថាខ្លួនមានបងប្អូនធ្វើធំហា៊នចូលទៅក្នុងបាផឹកស្រាស្រវឹងអុកឡុកពេញក្នុងបាត្រូវបានកំលាំងអាវុធហត្ថខេត្តបន្ទាយមានជ័យចាប់យកទៅព្រមានយ៉ាងចាស់ដៃ។ការចាប់ខ្លួនជនកំហូចនោះនៅវេលាម៉ោង១១យប់ថ្ងៃទី ២០ខែសីហាឆ្នាំ២០១៤ នៅក្លឹបកំសានហ្គោលឌិនស្តាបឹងឈូកនៅភូមិ១សង្កាត់ ព្រះពន្លា ក្រុងសិរីសោភ័ណខេត្តបន្ទាយមានជ័យ។
លោក ឧត្តមសេនីយ៏ ត្រី. ឨប៊ូរិនមេបញ្ជាការកងរាជអាវុធហត្ថខរត្តបន្ទាយមានជ័យ បានប្រាប់អ្នកយកព៌ត័មានឲ្យដឹងថា ជនសង្ស័យមានឈ្មោះ យឹងថន ភេទប្រុសអាយុ៣១ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្ត បន្ទាយមានជ័យ ឱពុកឈ្មោះ សាំងទី ម្តាយឈ្មោះ សៅសុធីប្រពន្ធឈ្មោះ ង៉ែតគង្គា មានកូនស្រីចំនួន២នាក់ ។
លោក ឨប៊ូរិនបាននិយាយបន្តថាម៉ុនពេលកើតហេតុជនសង្ស័យបានចូលផឹកស៊ីហាងក្លឹបកំសាន្តហ្គោលឌិនស្តានៅបឹងឈូកតាំងពីព្រលប់រហូតដល់ម៉ោង១១យប់បានស្រវឹងជោគរួចស្រែកឡូឡាពេញតែក្នុងក្លឹបធ្វើឲ្យមានភាពចលាចលនៅតែទីនោះ ស្រាប់តែជននោះបានជេរប្រមាថមើលងាយមើលថោកដល់កំលាំងសន្តិសុខហើយជននេះក៍មានអំនួតអួតអាងថារូបគេក៍មានបងប្អូនបក្សពួកធ្វើធំមិនខ្លាចអ្នកណាទេ។
ដោយសារតែជននោះស្រាចូលពោះនិយាយស្តាប់គ្នាលែងបានកំលាំងសន្តិសុកក៏ទូរសទ្ធ័ហៅកងអាវុធហត្តក្នុងខេត្តឲ្យចុះមកធ្វើការបង្ក្រាបជនកំហូចនោះយកទៅទីបញ្ជាការអាវុធហត្ថខេត្តបន្ទាយមានជ័យដើម្បីធ្វើការអប់រំរួចធ្វើការព្រមានយ៉ាងចាស់ដៃថែមទៀតផង។ ក្រោយពេលដែលខ្លួនស្វាងស្រវឹងស្រាជនសង្ស័យបានឆ្លើយសារភាពថាដោយសារតែខ្លួនស្រវឹងស្រាខ្លាំងពេកទើបខ្លួននិយាយពុំដឹងខុសត្រូវយ៉ាងដូច្នេះថ្ងៃក្រោយខ្លួននិងឈប់ប្រព្រឹត្តិអំពើដ៏ថោកទាបនេះបន្តហើយរួចនិងខិតខំកែខ្លួនឲ្យទៅជាមនុស្សល្អ៕