ខេត្តកំពង់ធំ :ប្រជាពលរដ្ឋ ២៥គ្រួសារ រស់នៅក្នុងសហគមន៍ ភូមិកំពង -រឈើទាល ភូមិចា ភូមិឡាយ ឃុំសំបូរណ៍ ស្រុកប្រាសាទសំបូរ ខេត្តកំពង់ធំកើតទុក្ខមិនសុខចិត្ត ដោយសារតែលោក នួន ណារឹទ្ធ បានអះអាងថា ជាបុគ្គលិកអង្គការWorld Vision បានលួចដកលុយពីកុងវិងទាំង២៥គ្រួសារ ហើយគេចខ្លួនបាត់ស្រមោល។
លោកលឹម សុថាត ដែលមន្រ្តីជលផលចំណុះឲ្យមន្ទីរកសិកម្មរុក្ខាប្រមាញ់និងនេសាទខេត្តកំពង់ធំ និងជាជនរងគ្រោះម្នាក់ ក្នុងចំណោមប្រជាពលរដ្ឋទាំង២៥គ្រួសារ បានរៀបរាប់ប្រាប់ទាំងហួសចិត្តថា។
ឈ្មោះ នួន ណារិទ្ធ បានមករៀបចំចូលគម្រោង ចិញ្ចឹមគោ ចិញ្ចឹមជ្រូក និងលក់ចាប់ហួយ ដល់ ប្រជាសហគមន៍ យើងខ្ញុំ និងបានអោយប្រជាសហគមន៍! យើងខ្ញុំខ្ចីលុយធនាគារឬ, មេក្រូហិរញ្ញវត្ថុ ណាមួយអោយបាន ៤,០០០$ រួចធ្វើកិច្ចសន្យាជាមួយគម្រោង ONG ដោយធ្វើកិច្ច សន្យាថា និងសងដើមការ ជារៀងរាល់ខែ រហូតដល់ចប់គម្រោងជួយរយៈពេល ៤ឆ្នាំ ។
លុះក្រោយពីបានលុយ ធនាគារ ឬ មេក្រហិរញ្ញវត្ថុ បានហើយ គាត់បានអោយសហគមន៍ តម្កល់សាច់ប្រាក់ចំនួន ១,៥០០$
ទុកក្នុងកុងវិង ដោយហាមមិនឲ្យដកឬឆែកមើលក្នុងដាច់ខាត លុះក្រោយមក បាត់ការទំនាក់ទំនងខលមិនចូលទាក់ទងមិនបាន ប្រជាពលរដ្ឋមានការសង្ស័យក៏បាននាំគ្នា ឆែកមើលកុងវិងក៏ស្រាប់តែបាត់លុយក្នុងកុងវិងទាំងអស់ ប្រជាពលរដ្ឋ ខលរកពួកគាត់ មិនលើកទូរស័ព្ទ ឬ បិទទូរស័ព្ទដៃទាំងស្រុង ។
ក្រោយមក.លោក លឹម សុថាតបាននាំប្រជាពលរដ្ឋ មកដាក់ពាក្យបណ្តឹងនៅស្នងការដ្ឋាននគរបាលខេត្តកំពង់ធំ កាលពីថ្ងៃទី២១ ខែមិថុនាឆ្នាំ២០២១ ដើម្បីឲ្យជួយតាមចាប់លោក.នួន.ណារិទ្ធ និងបក្ខពួក យកមកដោះស្រាយជូនពួកគាត់ និងសងសំណងដល់ពួកគាត់វិញ។
លោក លឹម សុថាត មន្ត្រីជលផលស្រុកប្រាសាទសំបូរ បានឲ្យដឹងថា លោកពុំមានការពាក់ព័ន្ធនិងអំពើឆរបោក មិនបានរួមគំនិត ជាមួយលោកនួន ណារឹទ្ធ ណាឡើយ គឺដំបូងឡើយគ្រាន់តែ លោកនួន ណារឹទ្ធ បានមកសំម្តែងខ្លួនថា ជាបុគ្គលិកអង្គការWorld Vision ហើយមានគម្រោង រៀបចំឲ្យប្រជាពលរដ្ឋ.ចិញ្ចើមត្រី ចិញ្ចឹមគោ.និងលក់ចាបហួយ គាត់ក៏បានជួយណែនាំ បងប្អូនគាត់ផ្ទាល់ ឲ្យទទួលគម្រោងនេះបាន៥នាក់ ក៏បានជីកស្រះដាក់ត្រីហើយ និងប្រជាលរដ្ឋឯទៀតបានដឹងក៏ទាក់ទងខ្លួនឯង ចំណែកការបង់លុយ និងរបៀបរបរការងារ គឺប្រជាពលរដ្ឋនិយាយគ្នាឯង។
លោកលឹម.សុថាត បញ្ជាក់ថា លោកគ្រាន់តែមានបំណងល្អ ជួយណែនាំ.និងចង់ឲ្យប្រជាពលរដ្ឋមានជីវភាពធូធារ តែប៉ុណ្ណោះ.ដោយលោកមិនបាន ធានា និងមិនបានទទួលលាភស្ការ:ពីបងប្អូននោះឡើយ គឺប្រជាពលរដ្ឋទំនាក់ទំនងខ្លួនឯងទាំងអស់.។
ក្នុងនោះបងប្អូន ប្រជាពលរដ្ឋទាំង២៥គ្រួសារ សំណូមពរឲ្យ ឯកឧត្តមព្រះរាអាជ្ញាខេត្តកំពង់ធំ
មេត្តាជួយចាត់វិធានការ ស្រាវជ្រាវរកបុគ្គលឈ្មោះនួន ណារឹទ្ធ មានទីលំនៅ រស់នៅសង្កាត់ទឹកល្អក់.ខណ្ឌទួលគោក.រាជធានីភ្នំពេញ ឲ្យមកទទួលខុសត្រូវ លើបញ្ហាខាងលើ ដល់ពួកយើងខ្ញុំផង និង ស្រាវជ្រាវបុគ្គលរូបនេះ ជាបុគ្គលិកអង្គការWorld Vision ឬក៏ជាជនឆបោកក្លែងបន្លំ.៕
