បន្ទាយមានជ័យ:
មានករណីពស់ចឹកពលរដ្ឋ២នាក់ទៀតដែលត្រូវ មកសង្គ្រោះព្យាបាលនៅមន្ទីរពេទ្យបង្អែកស្រុកថ្មពួកនៅល្ងាចថ្ងៃទី ២៦ ធ្នូ ២០១៤ ក្រោយពីពេទ្យថ្មពួកអំពាវនាវសុំថ្នាំព្យាបាលពឹសពស់បន្ថែមព្រោះអស់ទៅហើយនោះ ក្រសួងសុខាភិបាលបានទម្លាក់ថ្នាំមួយចំនួនសម្រាប់សង្គ្រោះករណីពោះពិសចិក-ខាំមកនោះ ។
អនុប្រធានការិយាល័យសុខាភិបាលប្រតិបត្តិថ្មពួកនិងជា ប្រធានមន្ទីរបង្អែកស្រុកថ្មពួក លោកវេជ្ជបណ្ឌិត ញ៉ែម ភារម្យ បានឲ្យដឹងថា: ករណីពស់ចឹកទី១-មានឈ្មោះ ឌឿក តឿភេទស្រីអាយុ៤១ឆ្នាំរស់នៅភូមិប្រាសទរបើក ឃុំបេងស្រុកបន្ទាយអំពិល ខេត្តឧត្តរមានជ័យ(ត្រូវពស់វែកដំបូកចឹក)នៅយប់ថ្ងៃទី២៦ឆ្នូ២០១៤វេលាម៉ោង៦.១៥នាទីនៅក្បែរពាងទឹក ពេលជនរងគ្រោះដើរទៅងូតទឹក។និងករណីទី២-ជនរងគ្រោះឈ្មោះជូ ឌីភេទប្រុសអាយុ៣០ឆ្នាំរស់នៅភូមិគោកស្វាយឃុំភូមិថ្មីស្រុកថ្មពួកខេត្តបន្ទាយជ័យមានជ័យ(ត្រូវពស់ក្រកាចាស់ចឹក)នៅម៉ោង៦.២០នាទីយប់ថ្ងៃទី២៦ឆ្នូ២០១៤។
លោក ញ៉ែម ភារម្យបានបន្តថា:”ជាសំណាងដែរដែលពេទ្យបង្អែកទើបមានថ្នាំថ្មីដែលក្រសួងតាមរយ:មន្ទីរសុខា ភិបាល ទម្លាក់អោយបូកផ្សំនឹងថ្នាំសល់បន្តិចដែលបានពីពេទ្យកងពលតូចលេខ ៥១ ដើម្បីប្រើប្រាស់ជួយសង្គ្រោះព្យាបាលទាន់ពេល”។
ជនរងគ្រោះបានស្គាល់ពស់ ក្នុងនោះម្នាក់បានចាប់ទាំងពស់វែកនោះមកផង ដើម្បីអោយពេទ្យដឹង ហើយដាក់ថ្នាំព្យាបាលត្រូវភ្លាមៗដែរ។
គួររំលឹកថា ឆ្នាំ២០១៣ កន្លងមកពេទ្យថ្មពួកទទួលព្យាបាលករណីពស់ចឹក ១១២ករណី។ឆ្នាំ២០១៤ នេះមាជាង៧០ករណី៕