បន្ទាយមានជ័យៈ
បុរសម្នាក់ត្រូវបាននាំយកទៅសង្គ្រោះបន្ទាន់នៅមន្ទីរពេទ្យបង្អែកក្រុងសិរីសោភ័ណ បន្ទាប់ពីត្រូវខ្សែរភ្លើងឆក់ និងធ្លាក់ពីលើផ្ទះកំពុងសាងសង់កំពស់ប្រមាណ៦ម៉ែត្រ កាលពីវេលាម៉ោង ១១ និង៣០នាទីថ្ងៃ ថ្ងៃទី ២៧ធ្នូ ២០១៤ នៅក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
ប្រភពព័ត៍មានពីប្រពន្ធជនរងគ្រោះឈ្មោះ ធឿន ឆវី អាយុ២៧ បានអោយដឹងថា បុរសជាប្តីមានឈ្មោះ តាន់ សាវ៉ូ ភេទប្រុស អាយុ៣៥ឆ្នាំ មុនពេលកើតហេតុជនរងគ្រោះ បានកាន់ដែកសរសៃមួយដើមយកទៅរៀបចំដើម្បីចាក់ធ្នឹមដំបូលផ្ទះ ខណៈពេលលើកដែកបង្វិលក៏ទៅប៉ះនិងខ្សែភ្លើងរដ្ឋដែលគ្មានស្រោមស្រោបពីខាងក្រៅសំរាប់បែងចែកចរន្តអគ្គីសន្នីទៅតាមផ្ទះក៏ត្រូវចរន្តភ្លើងឆក់ រួចក៏ធ្លាក់ពីលើកន្លែងរៀបចំចាក់ធ្នឹមដែលមានកំពស់ប្រមាណជា៦ម៉ែត្រ និងសន្លប់បាត់មាត់ ។
ភ្លាមៗនោះជនរងគ្រោះត្រូវបានក្រុមគ្រួសារនិងកូនជាង ដឹកនាំទៅសង្គ្រោះបន្ទាន់នៅមន្ទីរពេទ្យបង្អែកក្រុងសិរីសោភ័ណ។ ជនរងគ្រោះកំពុងត្រូវបានស្ថិតក្នុងដំណាក់ការសង្គ្រោះបន្ទាន់មិនទាន់ហានសន្និដ្ឋានថាយ៉ាងណានោះទេ។តែស្ថានភាពជនរងគ្រោះមួយកំណាត់ក្រោមឆេះខ្លោចរបួសធ្ងន់។
គូររំលឹកផងដែរថា កន្លងមកក្នុងខេត្តបន្ទាយមានជ័យចំពោះករណីឆក់ចរន្តអគ្គីសន្នីដែលមានតង់ស្យុងខ្ពស់ទៅលើកម្មករសំណាង់ ដូចនេះតែងកើតទ្បើងជាញឹកញាប់ ។ ដូចនេះសូមបងប្អូនដែលជាកម្មសំណង់ទាំងអស់មេត្តាប្រុងប្រយ័ត្នអោយបានខ្ពស់ដើម្បីការពារអាយុជីវិតរបស់ខ្លួន ៕