កំពង់ធំ=រថយន្ដដឹកទំនិញសំប៉េងសំពោងខ្ពស់ហួសច្បាប់កំណត់ត្រូវបានប្រជាពលរដ្នដែលធ្វើដំណើរតាមផ្លូវក៏ដូចជានៅតាមផ្ទះសងខាងផ្លូវមានការភ័យខ្លាចរថយន្ដក្រឡាប់ ព្រមទាំងរិះគន់និងវាយតំលៃសមត្ថិកិច្ចនគរបាលចរាចរណ៍ដែលអនុវត្តន៍ច្បាប់តែបែបជាអង្គុយលើច្បាប់ទៅវិញ។
ប្រជាពលរដ្ននិងអ្នកធ្វើដំណើរតាមផ្លូវបានប្រាប់ថារៀងរាល់៤ឫ៥ថ្ងៃម្ដងពួកគាត់បានឃើញ រថយន្ដកូរ៉េម៉ាក ហីយ៉ឹនដាយ ចំនុះ៥តោនចំនួន ៥គ្រឿងតែងតែធ្វើចរាចរណ៍ដឹកជញ្ចូនទំនិញសំប៉េងសំពោងខ្ពស់ហួសច្បាប់កំណត់ ដែលបានទឹកទំនិញចេញពីទីក្រុងភ្នំពេញឆ្លងកាត់ខេត្តកំពង់ធំឆ្ពោះទៅទីរួមខេត្តសៀមរាបក្នុងនោះដែរប្រជាពលរដ្នក៏បាន រិះគន់វាយតំលៃ ទៅលើសមត្ថកិច្ចនគរបាលចរាចរណ៍ថា កាន់ច្បាប់តែពុំអនុវត្តន៍ច្បាប់ ព្រោះពេលខ្លះគេឃើញទំនិញដែលដឹកនោះមានលក្ខណះផ្អៀងទៅម្ខាងរកកល់និងចង់ក្រឡាប់និងពេលខ្លះទៀតរថយន្ដដូចជារ៉េម្ដង់ទៅឈ្វេង និងម្ដងទៅស្ដាំ ដូចជាអ្នកបើកបរ ងងុយដេកផងក៏មិនដឹងព្រោះបើកបរចេញពីក្រុងភ្នំពេញពេលយប់មកដល់ទឹកដីកំពង់ធំទើបភ្លឺ ហើយជួនពេលខ្លះមកដល់ផ្លូវកោងត្រូវបតស្រាប់តែរថយន្ដ រអិលកងផ្អៀងព្រោះទំនិញធ្ងន់លើ។
ប្រជាពលរដ្នបានសំណូមពរអោយ រាជរដ្នាភិបាលរឹតបណ្ដឹង ការដឹកទំនិញលើសនេះផងព្រោះមិនត្រឹមតែគ្រោះថ្នាក់ម្នាក់ឯងនោះទេថែមទាំងគ្រោះថ្នាក់ដល់អ្នកដែលនៅសងខាងផ្លូវនិងអ្នករួមដំណើរ។
លោក កែវ ហួរ ស្នងការរងខេត្តកំពង់ធំ បានមានប្រសាសន៍ពាក់ព័ន្ធទៅនិង ការដឹកទំនិញសំប៉េងសំពោងនេះថា លោក និងចាត់វិធានការរាល់ទំនិញណាដែលដឹកខ្ពស់ហួរប្រមាណនៅថ្ងៃខាងមុខមិនអោយមានតែ ទំនិញដែលមានកន្លងមកគឺពុំបានចាត់ការដោយសារទំនិញទាំងនោះគឺជាទំនិញដែលបានឆ្លងកាត់ខេត្តកំពង់ធំ តែចាប់នេះទៅយើងនិងរឹតបណ្ដឹងថែមទៀតរាល់ទំនិញដែលឆ្លងកាត់ខេត្តកំពង់ធំនេះ៕ប៊ុនរិទ្ធី