(ឧត្តរមានជ័យ)កាលពីវេលាម៉ោង៧និង៤៥នាទីព្រឹកថ្ងៃទី៥ខែកុម្ភះឆ្នាំ២០១៥ សមត្ថកិច្ចប៉ូលិសស្រុកអន្លង់វែងចុះត្រួតពិនិត្យពេទ្យឯកជនព្យាបាលជម្ងឺ ស្លាកយីហោ មេគ្គងនោះ ដោយមានការដឹកនាំពីលោកសោ សុភ័ក្រ ព្រះរាជអាជ្ញារង អមសាលាដំបូងខេត្តឧត្តរមានជ័យនិងលោកវរសេនីយ៍ទោសីុម វណ្ណះ អធិការនគរបាលស្រុកអន្លង់វែងនិងលោកអនុប្រធានមន្ទីរពេទ្យបង្អែកស្រុក និងលោកអភិបាលរងស្រុក លោកមេឃុំលោកមេភូមិទៀតផង។ហេតុការសមត្ថកិច្ចប៉ូលិសស្រុកនិងលោកព្រះអាជ្ញារងចុះត្រួតពិនិត្យនោះ ពីប៉ុញ្ហាបច្ចេកទេសនិងថ្នាំពេទ្យមួយចំនួនដែលហួសការបរិច្ឆេត ហើយនិងច្បាប់អនុញ្ញាតិ ឲ្យបើកព្យាបាលជម្ងឺ ស្លាកយីហោមេគ្គង ស្ថិតនៅក្នុងអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យនោះ។លោកវរសេនីយ៍ទោសុីម វណ្ណះ អធិការនគរបាលស្រុកបានឲ្យដឹងទៀតថា នៅពេលបច្ចុប្បន្ន សមត្ថកិច្ចប៉ូលិសស្រុក កំពុងតែរុករកថ្នាំពេទ្យជាច្រើនទៀត នៅក្នុងពេទ្យឯកជននោះ។លោកវរសេនីយ៍ទោសុីម វណ្ណះ អធិការនគរបាលស្រុកបានបន្តទៀតថា ម្ចាស់ពេទ្យឯកជន ព្យាបាលជម្ងឺ មេគ្គង អន្លង់វែងនោះ មានឈ្មោះមុឺន សាន្ត ភេទប្រុសអាយុ៦៥ឆ្នាំ ត្រូវបានសមត្ថកិច្ចប៉ូលិសស្រុកអន្លង់វែង ធ្វើការឃាត់ខ្លួនសាកសួរនៅអធិការនគរបាលស្រុក បន្ទាប់ពីចុះត្រួតពិនិត្យរកឃើញថា ថ្នាំ មួយចំនួនហួសការបបរិច្ឆេតនិងគ្មានច្បាប់ ទលាប់ ត្រឹមត្រូវនោះ៕
តែដោយឡែក នៅក្នុងខេត្តកំពង់ធំ ពុំទាន់មានសកម្មភាព ចុះត្រួតពិនិត្យ ការលក់ថ្នាំពេទ្យ និងការព្យាបាលរក្សារោគ ជូនប្រជាពលរដ្ឋ នៅឡើយទេ ទោះជាខេត្តផ្សេងៗមានការ ត្រួតពិនិត្យ និងយកចិត្តទុកដាក់ ដល់សុខភាព ប្រជាពលរដ្ឋ តែខេត្តកំពង់ធំ ហាក់ ដូចជា ព្រងើយកន្តើយពីសុខទុក្ខប្រជាពលរដ្ឋ ។