បន្ទាយមានជ័យ ៖ ចំណូលពន្ធគយច្រកទ្វារអន្តរជាតិប៉ោយប៉ែតសម្រាប់ខែ ឧសភា ២០១៥ កន្លងទៅនេះទោះបីជាមានបាតុភាព អសកម្មដោយមានការតវ៉ា ពីក្រុមកម្មករអូសរទះ រហូតកើតជាហឹង្សាវាយបំផ្លាញទ្រព្យសម្បត្តិឯកជន និងរដ្ឋ កាលពីថ្ងៃទី២៥ ឧសភា យ៉ាងណាក៏
ដោយគយប៉ោយប៉ែតនៅតែបន្តរកចំណូលពន្ធបានលើសផែនការ ៣% ដែលក្រសួងកំណត់ ។លោក ឈួន ហៃ ប្រធានការិយាល័យគយ និងរដ្ឋាករ ច្រកទ្វារព្រំដែនអន្តរជាតិប៉ោយប៉ែត បានអោយដឹង បានអោយដឹងកាលពីថ្ងៃទី១០ មិថុនា ២០១៥នេះថា ស្ថានភាពពាណិជ្ជកម្មនាំចេញនាំចូលថៃ-កម្ពុជា តាមច្រកទ្វាអន្តរជាតិប៉ោយប៉ែតមានភាពមមាញឹកធម្មតា ដោយម្ចាស់ទំនិញបញ្ជាទិញ និងការបញ្ជូនទំនិញមក មន្ត្រីគយចាំបំពេញបែបបទ កាតព្វកិច្ចបង់ពន្ធ និងបង់អារក គយនិងរដ្ឋាករ យ៉ាងរហាស់ ។ តាមរយៈពាណិជ្ជកម្មនេះភាគច្រើនទំនិញដែលនាំចូល រួមមានរថយន្ត ម៉ូតូ ទំនិញចម្រុះ គ្រឿងសំណង់ធ្វើអោយចំណូលពន្ធគយប្រចាំខែឧសភា នៅតែមានចំនួនច្រើនហើយរកបានលើសផែនការដល់ទៅ៣%នៃផែនការដែល ដែលកំណត់អោយការិយាល័យគយប៉ោយប៉ែត រកអោយបាន១០០% ។
និយាយជារួម តាមរយៈការខិតខំអនុវត្តគោលនយោបាយរបស់រដ្ឋាភិបាលលើចំណូលពន្ធ១០០% ការិយាល័យគយប៉ោយប៉ែត ពី១ខែទៅ១ខែ និង១ឆ្នាំទៅ១ឆ្នាំ គឺអាចរកចំណូលពន្ធគយបានគ្រប់ និងលើសផែនការជានិច្ច ។ដោយឡែកបើតាមការអោយដឹងពីលោក ថោង សុខាំភូ ប្រធានសាខាគយ និងរដ្ឋាករ ខេត្តបន្ទាយមានជ័យ បន្ទាប់ពីមានបាតុកម្មតវ៉ាមួយថ្ងៃ ជាធម្មតាចំណូលពន្ធគយចូលតាមច្រកទ្វាអន្តរជាតិ ប៉ោយប៉ែពី ១៣០០ ទៅ ២០០០ លានរៀល។ទាក់ទងនិងបញ្ហាកម្មករអូសរទះវិញកាលពីចុងសប្តាហ៍កន្លងទៅ លោក ឈួន ហៃ បានប្រជុំជាមូយកម្មករអូសរទះ ការប្រជុំនេះកម្មករអូសរទះហាក់ដូចជាស្ងប់ស្ងាត់លើការទាមទា មិនអោយយកពន្ធគយលើទំនិញ៣០កេះ ដោយមកស្នើរសំមិនអោយមានការពិនិត្យរទះ ឬផ្ទេរផ្ទូទំនិញនៅទីលានត្រួតពិនិត្យ ។ ចំពោះបញ្ហានេះលោក កំពុងតែធ្វើរបាយការណ៍ត្រៀមក្រុមការងារអគ្គនាយកដ្ឋានគយ ចុះពិនិត្យ នៅប៉ុន្មានថ្ងៃខាងមុខ ។ ជាមួយនិងកិច្ចប្រជុំនេះលោក ក៏បានធ្វើការពន្យល់កម្មករអោយយល់ពីតំលៃ ឈ្នួលពលកម្មនៃការដឹកជញ្ជូន និងការបង់ពន្ធទំនិញ មិនមែនកម្មជាអ្នកបង់ពន្ធនោះទេ គឺម្ចាស់ទំនិញជាអ្នលកទទួលខុសត្រូវលើកាតព្វកិច្ចពន្ធគយ ដើម្បីពួកគាត់យល់អោយច្បាស់កំច្រឡំថា គយយកពន្ធលើតំលៃដឹកជញ្ជូន ៕
