ខេត្តបន្ទាយមានជ័យ៖សត្វទាឈ្មួញនាំចូលតាមច្រករបៀងខុសច្បាប់ទាំងឡានៗស្ថិតក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដឹកចូលមកដល់ស្រុកមង្គលបូរីត្រូវក្រុមមន្ត្រីជំនាញធ្វើលិខិតបញ្ជាក់ថាស្របច្បាប់ទៅវិញ។កាលពីថ្ងៃទី២ខែមិថុនា២០១៥មន្ត្រីផលិតកម្ម
និងបសុព្យាបាលខេត្តបន្ទាយមានជ័យបានចាប់ទាដែលឈ្មួញនាំចូលពីថៃដោយខុសច្បាប់ចំនួន៤.៥០០ក្បាលតាមច្រករបៀងខុសច្បាប់ក្នុងឃុំអូរបីជាន់ស្រុកអូរជ្រៅខេត្តបន្ទាយមានជ័យហើយបានធ្វើការផាក់វិន័យចំនួន៦លានរៀល។ ចំណែកនៅវេលាម៉ោង៧យប់ថ្ងៃទី៩ខែមិថុនា២០១៥នៅតាមបណ្តោយផ្លូវជាតិលេខ៥ត្រង់ចំណុចភូមិបន្ទាយនាងឃុំបន្ទាយនាងស្រុកមង្គលបូរីគេបានឃើញមានរថយន្ត២គ្រឿងដដែលបានដឹកទាពេញរថយន្តមកឈប់នៅចិញ្ចើមផ្លូវដែលគេឃើញឈ្មួញរកស៊ីមុខដដែលមករត់ការឲ្យមន្ត្រីពេទ្យសត្វម្នាក់ធ្វើឯកសារនៅក្បាលឡានតែម្តងព្រោះម្ចាស់ទាខ្លាចពេទ្យសត្វ ធ្វើការផាកពិន័យទៀត។ តាមព័ត៌មានពីកម្លាំងយោធាតាមបន្ទាត់ព្រំដែនបានបង្ហើបប្រាប់ថាទាដែលឈ្មួញដឹកតាមរថយន្តចំនួន២គ្រឿងនេះគឺជាទាដែលឈ្មួញដឹកគ្មានច្បាប់ទេដែលលួចដឹកនាំចូលតាមច្រករបៀងខុសច្បាប់ក្នុងឃុំអូរបីជាន់ស្រុកអូរជ្រៅ។ហើយឈ្មួញបានសុំច្បាប់ទាដែលដឹកតែមួយរថយន្តទេតែពេលដែលដឹកចេញពីច្រករបៀងរថយន្តបានដឹកទា២រថយន្តពេញដែលមានទាមិនតិចជាង១ម៉ឺនក្បាលឡើយ។ ក្រោយពីមន្ត្រីពេទ្យសត្វចាប់ឆែកឆេរកឃើញច្បាប់ដឹកទាតែមួយរថយន្តតែប៉ុណ្ណោះ។ចំណែកមួយរថយន្តទៀតមន្ត្រីពេទ្យសត្វឃុបឃិតធ្វើលិខិតស្របច្បាប់ឲ្យរថយន្តដឹកទាមួយគ្រឿងទៀត ។
ពាក់ព័ន្ធឈ្មួញនាំទាចូលដោយគ្មានច្បាប់លោកហ៊ុយទូច ប្រធានការិយាល័យផលិតកម្មនិងបសុព្យាបាលខេត្តបន្ទាយមានជ័យបានប្រាប់ថាទាដែលនាំចូល២រថយន្តនោះ១រថយន្តមានច្បាប់ដែលមន្ត្រីជំនាញបានធ្វើច្បាប់ឲ្យដឹកនាំចូលទៅធ្វើពូជហើយចំណែកទាដឹកមួយរថយន្តទៀតគឺលោកថា ឈ្មួញទិញពីអ្នកចិញ្ចឹមទានៅឃុំបន្ទាយនាងទេ។ បញ្ជាក់រាល់យប់ឈ្មួញបានឃឹបឃឹតជាកម្លាំងនិងមន្ត្រីជំនាញបានប្រើល្បិចគ្រប់បែបយ៉ាងបាននាំចូលទារស់ពីប្រទេសថៃចូលមកស្រុកខ្មែរតាមច្រករបៀងជាពិសេសនៅឃុំអូរបីជាន់ស្រុកអូរជ្រៅសកម្មភាពនេះត្រូវបានគេដឹងថាឈ្មួញដឹកទាទាំងរថយយន្តៗចេញទៅតាមបណ្តាខេត្តរាល់យប់ដែលជាការព្រួយបារម្យការឆ្លងជម្ងឺផ្តាសាយបក្សីនិងទីផ្សាសត្វទាក្នុងស្រុកមានការធា្លក់ចុះគួរឲ្យបារម្យគួរមន្ត្រីជំនាញមានវិធានទប់ស្កាត់ផងកុំគិតតែពីផលប្រយោជន៍ខ្លួនពេកត្រូវគឹតពីប្រយោជន៍ប្រជាពលរដ្ឋផង៕
