កំពង់ធំៈ ដោយមានការយកចិត្តទុកដាក់ ក្នុងការលុបបំបាត់ និងទប់ស្កាត់ការលំហូរចូលនៅសារធាតុញៀន និងការ ចែកចាយគ្រឿងញៀន លោក អ៊ុត សុធា ព្រះរាជអាជ្ញាអមសាលាដំបូង ខេត្តកំពង់ធំ ដឹកនាំកម្លាំងនៃស្នងការដ្ឋាន នគរបាលខេត្តកំពង់ធំ ដោយសហការជាមួយលោកវរៈសេនីយ៍ត្រី កែវ សុផល ស្នងការង ទទួលបន្ទុកគ្រឿងញៀន និងលោកវរៈសេនីយ៍ទោ នួន ហ៊ាង នាយការិយាល័យប្រឆាំងបទល្មើសគ្រឿងញៀន ចុះបង្ក្រាមុខសញ្ញាចែកចាយ គ្រឿងញៀន ក្នុងរយះពេល២ថ្ងៃ ដែលជនសង្ស័យកំពុងតែធ្វើសកម្មភាព បានចំនួន១១នាក់ ស្ថិតនៅក្នុងឃុំ ស្រយោង និងឃុំ ច្រនាង ឃុំចុងដា និងឃុំវត្តនគរ ស្ថិតនៅក្នុងស្រុកបារាយណ៍ ខេត្តកំពង់ធំ ។
លទ្ធផលដែលទទួលបាន មានថ្នាំញៀនប្រទេសម៉ាទឹកកក មួយចំនួន ព្រមទាំងជនសង្ស័យភេទប្រុស ទី១ឈ្មោះ ជា មនោថៃ ទី២ ព្រំ ខឿន ទី៣ រស់ រដ្ឋា ទី៤ ម៉ៅ ឈិត ទី៥ ផេង សំខាន់ ទី៦ សេង ធារី ទី៧ ស៊ុយ ប៉េងហ៊ុយ ទី៨ ចាន់ ស៊ី ទី៩ កែវ តុហម៉េង ទី១០ សេង គឹមលី ទី១១ឈ្មោះ ហួរ ដែលជាមេខ្លោងក្នុងការចែកចាយគ្រឿងញៀនដ៏សកម្ម ជនសង្ស័យទាំងអស់ ត្រូវបានឃាត់ខ្លួន ក្នុងថ្ងៃទី ១០ និង១១ ខែ មិថុនា ឆ្នាំ២០១៥នៅវេលាម៉ោង ៩.៣០នាទីយប់ និងមួយចំនួនទៀត ឃាត់ខ្លួនម៉ោង ១០ព្រឹក ថ្ងៃទី១១ ខែមិថុនា ឆ្នាំ ២០១៥។
តាមការឲ្យដឹងពីលោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ បានឲ្យដឹងថា កិច្ចសហការការណ៍បង្ក្រាបគ្រឿងញៀន ដែលបង្ករឲ្យទទួលបានជោគជ័យនេះ ដោយមានការសហការល្អរវាង ប៉ុស្តិ៍រដ្ឋបាល និងស្នងការ នគរបាលខេត្ត ក្នុងការស្រាវជ្រាវរកមុខសញ្ញាចែកចាយគ្រឿងញៀន ទើបឈានដល់ការចុះបង្ក្រាប នៅពេលយប់ និង មួយចំនួនទៀតត្រូវបានឃាត់ខ្លួននៅពេលថ្ងៃ ដោយឡែកមុខសញ្ញាចែកចាយគ្រឿងញៀន មួយចំនួនទៀតសមត្ថកិច្ច បានខិតខំប្រឹងប្រែង ដើម្បីស្រាវជ្រាវជាបន្តបន្ទាប់ និងចាប់ខ្លួនជាបន្តបន្ទាប់ ។
ចំណែកជនសង្ស័យទាំង១១នាក់ ត្រូវបានបញ្ជូនមកកាន់ស្នងការដ្ឋាន និងកសាងសំណុំរឿងបញ្ជូនទៅតុលាការ ដើម្បី ចាត់វិធានការតាមផ្លូវច្បាប់ ។
ដោយ ប៊ុន រដ្ឋា